پنجاب کے شہر لاہور میں مکان کی بالائی منزل کی چھت گرنے سے 6 خواتین ملبے تلے دب گئیں، خوش قسمتی سے کوئی جانی نقصان نہیں ہوا۔
لاہور کے علاقے گوالمنڈی، لاہور ہوٹل کے قریب گزشتہ شب مکان کی بالائی منزل کی لکڑی سے بنی خستہ حال چھت گرگئی جس کے نتیجے میں 6 خواتین ملبے تلے دب گئیں۔
ریسکیو حکام کے مطابق چھت گرنے کا واقعہ لاہور ہوٹل کے نزدیک آٹا چکی کے قریب ایک گھر کی چھت گرنے کی اطلاع ملی تھی تاہم خوش قسمتی سے چھت گرنے کے واقعہ میں کوئی فرد زخمی نہیں ہوا۔ عمارت میں پھنسے افراد کو باحفاظت باہر نکال لیا گیا۔
ریسکیو حکام نے بتایا کہ ملبے تلے دبنے والی خواتین کی شناخت ماریہ، نابیہ، مینال، جوریہ، بابرہ اور فوزیہ کے نام سے ہوئی ہے۔