آزاد کشمیر کے دارالحکومت مظفرآباد میں حکومت اور پاسبان جموںکشمیر کے زیر اہتمام آزاد کشمیر کے تمام ضلعی ہیڈ کواٹرز پر احتجاجی تقریبات، جلسے جلوس اور ریلیوں کا اہتمام کیا گیا۔
بھارت کے خلاف مرکزی شاہراہ پر کیے جانے والے مارچ میں بڑی تعداد میں خواتین اور بچوں نے بھی شرکت کی۔ کشمیریوں نے آزادی چوک میں نریندرا مودی، راج ناتھ شاہ اور اجیت دوول کے پتلے نذر آتش کیے اور آزادی چوک سے اقوام متحدہ کے فوجی مبصر مشن قائد اعظم برج تک مارچ کیا اور اقوام متحدہ کے فوجی مبصر مشن کے سامنے بھارت کے خلاف شدید نعرے بازی بھی کی۔
مظاہرین نے اقوام عالم سے مطالبہ کیا کہ بھارت کے ظالمانہ اقدام فوری بند کروائے جائیں۔