اداکارہ ریما خان نے صارف کو جواب دے کر لاجواب کر دیا۔ سوشل میڈیا پر صارفین شوبز اداکاروں پر اکثر تنقید کرتے اور ان کے پہناوے پر سوال کرتے دکھائی دیتے ہیں۔
جیسا کہ اس بار ریما خان ایک مداح کی تنقید کا نشانہ بنیں مگر انہوں نے تنقید کا جواب بھی نہایت اطمینان بخش طریقے سے دیا جو وائرل ہوگیا۔
ریما خان کی جانب سے اپنی تصویر شئیر کی گئی جس میں ایک رن برنگے لباس میں ملبوس دکھائی دیں۔
وہیں ریما خان کے دوپٹے پر ایک مسجد کی تصویر کا ڈیزائن صارف کا نظر آگیا جس پر اس نے ریما خان کو ٹیگ کرتے ہوئے تبصرہ کیا۔
خاتون صارف نے ریما خان کی تصویر پر لکھا کہ مسلمان ہونے کی حیثیت سے برائے مہربانی کپڑوں پر مسجد کے پرنٹس کو فروغ نہ دیں۔
جس پر اداکارہ ریما خان نے خاتون کو جواب دیتے ہوئے کہا یہ یادگارِ پاکستان ہے مسجد نہیں ہے۔
ریما خان کی یہ پوسٹ سوشل میڈیا پر کافی وائرل ہو رہی ہے۔