بالی وڈ کے کنگ شاہ رخ خان کے گھر والے بھی اکثر شہ سرخیوں کا حصہ بنے رہتے ہیں۔ حال ہی میں شاہ رخ کی اہلیہ پر مقدمے کی خبر سامنے آئی ہے جس نے مداحوں کو تشویش میں مبتلا کردیا ہے۔
بھارتی میڈیا کے مطابق یہ مقدمہ لکھنؤ میں جائیداد کی خریدو و فروخت میں دھوکہ دہی کی بنیاد پر کیا گیا ہے۔ ممبئی کے شہری جسونت شاہ کا کہنا ہے کہ ان سے فلیٹ کے لئے 86 لکھ روپے وصول کیے گئے اور ابھی تک انھیں قبضہ نہیں ملا ہے۔
جسونت شاہ نے یہ مقدمہ تلسیانی کنسٹرکشن کے چیف ایم ڈی انیل کمار اور ڈائریکٹر مہیش تلسیانی کے علاوہ گوری خان کے خلاف بھی کیا ہے کیوں کہ وہ اس کمپنی کی برانڈ ایمیسیڈر ہیں اور جسونت کا دعویٰ ہے کہ انھوں نے گوری کو دیکھ کر اور متاثر ہو کر ہی فلیٹ خریدا ہے۔
بھارتی میڈیا کا کہنا ہے کہ گوری خان کے خلاف سیکشن 409 کے تحت مقدمہ درج کرلیا گیا ہے۔