؟میں انتظام کرتی ہوں اور تم ۔۔ آریان خان اور اننیا پانڈے کی واٹس ایپ چیٹ کون کون سے نئے انکشافات سامنے لے آئی

شاہ رخ خان کے بیٹے آریان خان کی اداکارہ اننیا پانڈے کے ساتھ واٹس ایپ چیٹ لیک ہوئی ہے جس میں وہ اننیا پانڈے آریان خان کو یہ کہتی ہیں کہ وہ انکے لیے گانجے کا بندوبست کرنے کی پوری کوشش کریں گی۔ یہ حقیقت سامنے آنے پر گزشتہ روز بھی اننیا پانڈے کو نارکوٹکس کنٹرول ڈیپارٹمنٹ (این سی بی) تفتیش کیلئے بلایا گیا تھا۔

اور یہی نہیں بلکہ آج صبح بھی انہیں (این سی بی ) بلایا گیا جہاں ان سے گانجے کا بندوبست کرنے سے متعلق پوچھا گیا کہ کیا حقیقت ہے اس بات کی کہ آپ واقعی ان کیلئے گانجے کا بندوبست کرنے والی تھیں تو انہوں نے کہا کہ وہ بات وت میں نے مذاق سے کہی تھی۔

اس کے علاوہ آریان خان کے انتہائی قریبی دوست نے اب انکشاف کیا ہے کہ آریان خان اپنی گرفتاری سے پہلے اپنے غیر ملکی دوستوں کے ہمراہ امریکا میں روڈ ٹرپ کا پراگرام بنا رہے تھے جو کہ انکی گرفتاری کے باعث ادھورا رہ گیا ہے اسی دوست کا کہنا ہے کہ آریان خان تنہائی پسند ہیں یہی وجہ ہے کہ انکے زیادہ تر دوست فلمی دنیا میں نہیں۔

بلکہ امریکا، برطانیہ سے ہیں اور چند دوست خاندان میں سے ہیں۔اسی قریبی دوست کا کہنا ہے کہ ان کے غیر ملکی دوست بھی اب انکے لیے بہت پریشان ہیں اور مسلسل آریان خان کی خیریت دریافت کرنے کیلئے ان کی ماں گوری خان اور انکی بہن سہانا خان سے رابطے میں ہیں۔

خیال رہے کہ گزشتہ روز نارکوٹکس کنٹرول ڈیپارٹمنٹ (این سی بی) نے کنگ خان شاہ رخ ن اور اننیا پانڈے کے گھر تحقیقات کے غرض سے چھاپہ بھی مارا تھا۔