شوبز کی سب سے خوبصورت جوڑی سارہ خان اور فلک شبیر حال ہی میں ننھی بیٹی کے والدین بنے ہیں جس کے بعد ان کی فیملی مکمل ہوچکی ہے۔
گذشتہ روز معروف گلوکار اور سارہ خان کے شوہر فلک شبیر کا سوشل میڈیا ویب سائٹ انسٹاگرام پر صارفین کے ساتھ سوال جواب کا سیشن ہوا۔
دورانِ سیشن فلک شبیر سے جب ایک صارف نے پوچھا کہ آپ مزید کتنے بچے چاہتے ہیں؟ جس پر فلک نے جواب دیا کہ بچے دو ہی اچھے، یعنی کہ وہ مزید ایک اور بچے کی خواہش رکھتے ہیں مزید خدا کی مرضی۔
اس کے علاوہ فلک شبیر کا کہنا تھاکہ وہ اپنی اہلیہ سارہ اور اپنی بیٹی عالیانہ کے ہمراہ عمرے کی ادائیگی کرنے کے بھی خواہشمند ہیں۔
ایک مداح کی جانب سے پوچھے گئے سوال پر انہوں نے تسلیم کیا بیٹی عالیانہ کی پیدائش کے بعد جب انہوں نے پہلی مرتبہ انہیں ہاتھوں میں اٹھایا تو وہ جذبات میں آکر آبدیدہ ہوگئے۔
گلوکار نے ایک سوال پر بتایا کہ والد بننے کے بعد وہ یکسر بدل گئے ہیں، نہ صرف ان کی حالت بلکہ جذبات بھی تبدیل ہوگئے ہیں۔
خیال رہے کہ فلک شبیر اور اداکارہ سارہ خان کے ہاں رواں ماہ 9 اکتوبر کو بیٹی عالیانہ فلک کی پیدائش ہوئی تھی۔