اکثر اوقات انسان جب مشکل حالات سے گزرتا ہے تو اسے اندازہ ہوتا ہے کہ وہ کیا چیز ہے اور دوسروں کو کم تر سمجھنا چھوڑ دیتا ہے، اس میں ایک ایسا احساس جنم لیتا ہے جو اسے نرم کر دیتا ہے اور ایک مثبت برتاؤ اسے یہ احساس دلاتا ہے کہ اس دنیا میں ہر ایک برابر ہیں۔
ہماری ویب کی اس خبر میں آپ کو بتائیں گے کہ امیر باپ کی ایک اولاد آریان خان کے بارے میں جو کبھی آنکھیں نیچے نہیں کرتے تھے، لیکن ایک موقع پر ان کا ایک انداز سب کو بھا گیا تھا۔
سوشل میڈیا پر شاہ رخ خان کے بیٹے آریان خان کی ایک ویڈیو وائرل ہوئی ہے جس میں وہ ایک عمارت سے باہر نکل رہے ہیں، عمارت سے نکلتے ہی آریان جیسے ہی گاڑی کی طرف بڑھے تو ایک کمسن بچی آریان کے پاس آئی، آریان نے جب بچی کو دیکھا تو نگاہیں اسی کی طرف کر لیں۔
آریان نے بچی کو پیسے دیے اور سر پر ہاتھ بھی رکھا، عین ممکن ہے کہ وہ میڈیا کے سامنے اچھا بننے کا دکھاوا کر رہا ہو، مگر کسی کی نیت پر شک بھی نہیں کیا جا سکتا ہے، اگرچہ ویڈیو کافی پرانی ہے مگر اب سوشل میڈیا پر وائرل ہو گئ ہے۔
واضح رہے کنگ خان کے بڑے بیٹے آریان خان اگرچہ فلمی دنیا میں فعال نہیں لیکن وہ نجی زندگی اور سوشل میڈیا پر کافی فعال اور مشہور ہیں۔ لیکن حال ہی میں منشیات کے کیس میں ان کی گرفتاری نے میڈیا کو ان کی طرف متوجہ ہونے پر مجبور کر دیا ہے۔