جب شپ پر چھاپہ مارا تو آریان خان وہاں موجود نہیں تھے ۔۔ آریان خان کے وکیل نے اور کون سے نئے انکشاف کردئیے؟

شاہ رخ خان پر آج کل دکھوں کے بادل منڈلا رہے ہیں اور انکی لاکھ کوشیشوں کے بعد بھی انکے بڑے بیٹے جیل سے باہر نہیں آ پا رہے ہیں۔ مگر ممبئی کی سیشن کورٹ میں آریان خان کے منشیات کیس کی سماعت ہوئی جس میں انکے وکیل نے کہا کہ میرا مؤکل 2 اکتوبر کو اس کروز شپ پر تھا ہی نہیں، یہ الزام سرار جھوٹا ہے۔

آریان خان کے وکیل امیت دیسائی نے کہا کہ جب میرا مؤکل شپ کے واخلے دروازے پر اپنے دوست ارباز مرچنٹ کے ہمراہ پہنچا تو این سی بی پہلے سے وہاں موجود تھی تو اس نے آریان خان کو گرفتار کر لیا لیکن انکے پاس سے کچھ برآمد نہیں ہوا۔

وکیل آریان خان نے کہا کہ میرے مؤکل کے خلاف منشیات کے استعمال اور اس شپ پر ہونے کا مقدمہ ہے لیکن آریان کے پاس سے تو کوئی رقم بھی نہیں ملی اور نہ ہی جو لوگ اس شپ پر سے پکڑے گئے ہیں ان سے آریان کا کوئی تعلق بھی ثابت نہیں ہوا ہے۔

اس کے علاوہ امیت دیسائی کا کہنا تھا این سی بی ڈرگز ڈیلرز کو پکڑنے کیلئے بہت اچھے اقدام کررہی ہے لیکن یہ انتہائی غیراخلاقی ہے کہ بے قصور افراد کو جیل میں رکھا جائے۔

واضح رہے کہ این سی بی نے گزشتہ روز ہونے والی سماعت میں آریان کی ضمانت کی بھرپور مخالفت کرتے ہوئے اس کا تعلق انٹرنیشنل گروہ سے جوڑا تھا جس پر امیت دیسائی نے کہا تھا کہ یہ چھوٹے بچے ہیں، ضمانت کیلئے مزید تاخیر نہ کی جائے۔ آریان کے وکیل کا کہنا تھا کہ ان بچوں کے معاملے کو مزید بدتر نہ بنایا جائے، یہ بہت تکلیف اٹھا چکے، انہوں نے اس معاملے میں سبق سیکھ لیا ہے۔