والد سے ملنے کے لئے پہلے سیکریٹری سے وقت لینا پڑتا ہے۔۔۔ شاہ رخ خان کے بیٹے آریان خان کے نئے انکشافات

بالی وڈ کے کنگ شاہ رخ خان کے بیٹے آریان خان پر منشیات کے استعمال کی وجہ سے کیس چل رہا ہے جس کی وجہ سے روز ہی ان کی کوئی نہ کوئی خبر منظرِ عام پر آکر وائرل ہوجاتی ہے۔

آریان خان اس وقت نارکوٹکس کنٹرول بیورو (این سی بی) کے زیرِ تفتیش ہیں۔ بھارتی میڈیا نے ان کی تفتیش کے حوالے سے بتایا ہے کہ آریان خان نے اپنے والد کے حوالے سے بھی کئی سنسنی خیز انکشافات کیے ہیں جس میں سے ایک بیان یہ بھی تھا کہ آریان خان کو اپنے والد کی مصروفیت کی وجہ سے ان سے ملنے کے لئے باقاعدہ سیکرٹری سے اجازت اور وقت لینا پڑتا تھا۔

آریان نے ادارے کو یہ بھی بتایا کہ اس وقت بھی ان کے والد کئی فلموں کی شوٹنگ میں مصروف ہیں اس لئے اگر کسی کو ان کے والد سے بات کرنی ہے تو پہلے ان کی مینیجر پوچا سے وقت لینا ہوگا کیونکہ وہ خود بھی ایسا کرتے ہیں۔ اطلاعات ہیں کہ آریان خان نے شاہ رخ خان کی فلموں کے حوالے سے بھی کئی باتیں کی ہیں۔