شاہ رخ خان کے بیٹے آریان خان کے کیس میں بڑی پیش رفت سامنے آئی ہے، بھارتی نارکوٹکس کنٹرول ڈیپارٹمنٹ(این سی بی) کنٹرول بیورو نے آریان خان کو عدالت میں پیش کیا جہاں معمول کی کارروائی ہوئی اور عدالت کے ہی حکم پر انہیں دوبارہ ایک روزہ ریمانڈ پر جیل بھجوا دیا گیا ، بھارتی میڈیا اور این سی بی کے مطابق دوران تفتیش آریان خان نے اپنے جرم کا اقرار کیا اور پھوٹ پھوٹ کر رونے لگے۔
یہی نہیں اس بات کا بھی اعتراف کیا کہ وہ پچھلے 4 سالوں سے منشیات کے عادی ہیں ،اور جب وہ برطانیہ اور دبئی وغیرہ میں تھے تو بھی منشیات کے عادی تھے۔اور این۔بی۔سی نے آریان خان کی فون پر انکی بات انکے والد شاہ رخ خان سے کروائی لیکن صرف 2 منٹ۔
یہاں یہ بات بھی واضح کردینے کی ضرورت ہے کہ کروز شپ جس پر 2 اکتوبر کو خفیہ اطلاع پر چھاپہ مارا گیا تو وہاں سے 13 گرام کوکین، 5 گرام ایم ۔ڈی، 21 گرام چرس، 22 گولیاں ایکسٹسی اور 13 لاکھ 33 ہزار نقدی بھی ملی جسے ضبط کر لیاگیا۔
اس کے علاوہ انکی رہائی کے ابھی تک کوئی امکانات نظر نہیں آرہے ہیں اور بھارتی میڈیا کے ہی مطابق ابھی انہیں اور بھی جیل میں رکھا جا سکتا ہے، آریان خان کی گرفتاری کی خبریں جب منطرعام پر آئیں تو سلمان خان ممبئی میں موجود انکی رہائش گاہ منت ہاؤس ہاؤس پہنچے۔ جس کی ویڈیو سوشل میڈیا پر وائرل رہی۔
واضح رہے کہ صرف آریان خان ہی نہیں بلکہ انکے ساتھ 7 افراد اور بھی گرفتار کیے گئے تھے جن کے نام یہ ہیں، منمون دھمیچا،اربازمر چنٹ،اسمیت سنگھ،موہک جسوال، گومیت چوپڑا، نوپو سریکا اور وکرانت چھوکر۔