پینڈو ہمیشہ پینڈو ہی رہے گا برگر نہیں بن سکتا ۔۔ اداکارہ مائرہ خان اپنی ویڈیو کی وجہ سے شدید تنقید کا نشانہ بن گئیں

اداکارہ مائرہ خان جن کو چیخ ڈرامے میں لوگوں نے منفی کردار کی وجہ سے بہت پسند کیا گیا تھا۔ ان کے ڈرامے اورماڈل شوٹس تو سب ہی دیکھتے رہتے ہیں البتہ اب ان کی نئی ویڈیو خوب تنقید کا نشانہ بن رہی ہے جس میں انہوں نے ایسے لوگوں کو ٹارگٹ کیا ہے جو عام علاقوں میں رہنے والے ہیں اور جب وہ ان ایریا سے نکل کر ڈیفینس میں رہائش پزیر ہوتے ہیں تو وہاں کا رہن سہن اپنانے کی کوشش کرتے ہیں مگر وہ جہاں سے تعلق رکھتے ہیں وہیں کے کہلاتے ہیں۔

ویڈیو میں آپ دیکھ سکتے ہیں کہ مائرہ کہہ رہی ہیں: '' پینڈو ہمیشہ پینڈو ہی رہتا ہے کبھی برگر نہیں بن سکتا، لوگ سوچتے ہیں ڈیفینس جا رہے ہیں تو وہاں کے لوگوں کی طرح سپورٹ کپڑے پہنیں گے، ان کے جیسے جم میں جائیں گے مگر وہ کبھی خود کو ان کی طرح برگر نہیں بنا پاتے، برگر برے نہیں ہوتے بس وہ ان کی طرح بن نہیں سکتے، پہلے باؤل کو بول بولنا تو سیکھ لو پھر سوچنا یہ سب کچھ کرنے کی۔''

اس ویڈیو میں لوگ تنقید کرتے ہوئے کہہ رہے ہیں کہ کون ہے پھر جو لوگوں کو اس طرح کے طعنے مار رہی ہیں، ان کو خود کوئی پہلے تمیز سکھاؤ۔ کوئی ان کو ماسی بول رہا ہے تو کوئی برگر، کوئی ان کو نالائق کہہ رہا ہے تو کسی نے کہا کہ یہ خود وائرل ہونے کی کوشش کر رہی ہیں بے تکی باتیں کرکے۔