سارہ خان آج کل ڈرامہ لاپتہ میں نظر آرہی ہیں جہاں ان کے چاہنے والے ان کو خوب پسند کر رہے ہیں ساتھ ہی اس ڈرامے کا وہ ویڈیو کلپ بھی بہت وائلر ہوا جس میں جب شوہر یعنی گوہر نے بیوی سارہ کو تھپڑ مارا تو بیوی نے بھی انتظار کئے بغیر شوہر کو اتنی ہی زور سے تھپڑ رسید کیا جتنا کہ شوہر نے مارا اور آگے سے جواب کہا کہ تمہارے ہاتھ توڑ دوں گی اگر کچھ ایسا سوچا بھی، اس کلپ پر تو پی پی پی کی رہنما شرمیلا فاروقی بھی میدان میں آگئیں۔
اب جہاں سوشل میڈیا پر ہر چھوٹی بڑی باتوں کو سب کے سامنے اُبھارا جاتا ہے اس پر بحث و مباحثہ کیا جاتا ہے جیسے کہ ایک فیس بک گروپ پر اس وقت سارہ خان کے تھپڑ مارنے والے اس سین کے کپڑوں پر بڑا دھیان جا رہا ہے کہ اس کے بیک کا پرنٹ بہت منفرد ہے اور برانڈ کے کپڑے تولیے سے مل رہے ہیں۔
رابعہ ملک نامی صارف نے فیس بُک پیج وومانیہ پر کمنٹ پوسٹ کرتے ہوئے لکھا کہ سوچ سوچ کر تھک گئی کہ کہاں دیکھے ہیں ایسے برانڈ کے کپڑے جو نند کے گھر کے تولیے سے مل رہے ہیں جس پر انہوں نے سارہ خان کی قمیض کا بیک پرنٹ شو کیا اور ساتھ ہی اس تولیے کی جو ہو بہو سارہ کے کپڑوں کے ڈیزائن سے مل رہا ہے۔
ان کی اس پوسٹ پر مُزینہ شاہد نامی صارف نے کمنٹ میں لکھا کہ میرے گھر کا ستری کے سٹینڈ کا کوور بالکل ایسا ہی ہے۔ ماریہ اسلم نے لکھا کہ میرے شوہر کی گاڑی کا کوور بھی بالکل ایسا ہی ہے۔