گلستان جوہر پولیس اسٹیشن کے باہر خواجہ سراؤں نے زبردست احتجاج کیا، تاہم مطالبات تسلیم کیے جانے پر انھوں نے اپنا احتجاج ختم کیا، جو کئی گھنٹے جاری رہا تھا۔
مظاہرہ کرنے والے خواجہ سراؤں کا کہنا تھا کہ ایک خواجہ سرا کا بھائی جو ویلڈنگ کی دکان پر مزدوری کرتا ہے اسے دکان کے مالک نے ساتھیوں کے ہمراہ تشدد کا نشانہ بنایا، 15 پر اطلاع پر پولیس پہنچی اور ایک شخص کو حراست میں لے کر تھانے منتقل کیا۔
احتجاج اس وقت ختم کیا گیا جب تشدد کا نشانہ بننے والے خواجہ سرا کے بھائی کو علاج کی رقم ادا کی گئی۔
پولیس نے خواجہ سراؤں کو ایف آئی آر درج کرنے اور مزید افراد کی گرفتاری کی یقین دہانی کرائی تھی، بعد ازاں پولیس کی جانب سے دونوں پارٹیوں میں صلح کرا دی گئی اور زخمی شخص کے علاج معالجے کے اخراجات بھی ادا کرا دیے گئے۔