"مجھے ہمیشہ سے اپنے جذبات کے اظہار میں شرم محسوس ہوتی تھی، لیکن میں چاہتا تھا کہ یہ لمحہ میری زندگی کے خاص ترین لمحوں میں سے ایک بن جائے۔ اسی لیے، میں نے فیصلہ کیا کہ اپنی منگیتر کو پروپوز کرنے کے لیے فلائٹ کا انتخاب کروں اور اسے یہ انگوٹھی دوں۔"
عمر عالم کی ہوائی پروپوزل نے سوشل میڈیا پر ہنگامہ کھڑا کر دیا
پاکستانی اداکار عمر عالم نے حال ہی میں فلائٹ میں اپنی منگیتر کو پروپوز کر کے سب کو حیران کر دیا۔ انہوں نے فلائٹ کریو اور مسافروں کے سامنے اپنی محبت کا اظہار کیا اور اپنی منگیتر کو خوبصورت انگوٹھی پیش کی۔ یہ لمحہ کیمرے کی آنکھ نے قید کیا، اور ویڈیو جلد ہی سوشل میڈیا پر وائرل ہوگئی۔
سوشل میڈیا پر ملا جلا ردعمل
جہاں کچھ لوگوں نے عمر عالم کے اس اقدام کو ان کی محبت کا خوبصورت اظہار قرار دیا، وہیں سوشل میڈیا پر تنقید کا طوفان بھی کھڑا ہوگیا۔ صارفین نے اسے "اوور ایکٹنگ" اور "غیر ضروری تماشہ" قرار دیا۔
پبلسٹی اسٹنٹ یا حقیقی محبت؟
کچھ لوگوں نے دعویٰ کیا کہ یہ سب فلائی جناح ایئرلائن کی تشہیر کے لیے ایک منصوبہ بند چال تھی۔ انہوں نے کہا کہ ایسا منظر ایک ذاتی لمحے کو کمرشلائز کرنے کی کوشش لگتا ہے۔
اسلامی ریاست میں ایسا اقدام؟
کچھ صارفین نے سوال اٹھایا کہ عمر عالم کا اپنی منگیتر کے ساتھ سفر کرنا اور اس طرح عوامی طور پر محبت کا اظہار اسلامی ریاست میں غلط مثال قائم کر رہا ہے۔
عمر عالم کی شہرت پر بھی سوال
تنقید کرنے والے کچھ لوگوں نے اداکار کی شہرت پر سوال اٹھاتے ہوئے کہا کہ وہ اس حد تک مقبول نہیں کہ ان کے ذاتی لمحات کو اس قدر اہمیت دی جائے۔
یہ دلکش ویڈیو اور اس پر ہونے والی تنقید نے عمر عالم کو ایک بار پھر خبروں کی زینت بنا دیا ہے، لیکن یہ دیکھنا باقی ہے کہ آیا یہ ان کے لیے محبت کا لمحہ تھا یا صرف ایک پبلسٹی اسٹنٹ۔