گزشتہ چند دنوں سے رجب بٹ کی شادی پاکستان میں ٹاپ ٹرینڈ بنی ہوئی ہے، اس مہنگی اور عالیشان شادی میں پیسوں کی بے تحاشہ نمائش کی گئی جبکہ تقریب میں مدعو مہمانوں نے بھی دل کھول کر جوڑے کو تحفے اور سلامی دی۔ یہاں تک کہ ایک شخص نے رجب بٹ کو ایک شیر کا بچہ بطور تحفہ پیش کر دیا، جس نے سوشل میڈیا پر تہلکہ مچادیا۔
جیسے ہی اسکی ویڈیو سوشل میڈیا پر وائرل ہوئی پولیس اور محکمہ وائلڈ لائف کی ٹیم نے رجب بٹ کی رہائش گاہ پر چھاپہ مارا جہاں شیر کے بچے کو غیر قانونی طور پر رکھا گیا تھا۔ جس کی وجہ سے رجب بٹ کو شادی کے اگلے ہی دن جیل کاٹنی پڑی۔
اس خبر پر جہاں سب اپنی اپنی رائے دے رہے تھے، وہیں مشی خان رجب بٹ کی حمایت میں میدان میں آگئیں اور ایک ویڈیو بنا کر اپنے انسٹاگرام پر شیئر کردی۔
انہوں نے کہا کہ، رجب بٹ کی شادی پچھلے کئی دنوں سے سوشل میڈیا پر ٹرینڈ کررہی ہے، ان کی شادی کی پُرتعیش تقریبات پر تنقید بھی کی جارہی ہے، اور لوگوں کا کہنا ہے کہ رجب بٹ کو یہ پیسہ دوسروں کی مدد پر خرچ کرنا چاہیے تھا۔ تو میں ان لوگوں کو بتا دوں کہ رجب خیرات بھی کرتا رہتا ہے۔
مشی خان نے مزید کہا کہ، پنجاب میں یہ سب عام ہے، یہاں شادیوں میں پیسے نچھاور کرنا، انکا خوشی منانے کا طریقہ ہے، اس میں ایسی کون سی انوکھی بات ہوگئی؟ یہ اس کا اپنا پیسہ ہے، وہ اس کے ساتھ جو چاہے کرئے۔ اور اسکو شیر کا بچہ تحفے میں ملا تھا، اس نے خود پال کے نہیں رکھا تھا۔
آخر میں انہوں نے بندوق کا رخ ٹرولرز کی طرف کرتے ہوئے کہا کہ، یہ وہ لوگ ہیں جو خود ایک پیسہ بھی خیرات نہیں کرتے اور دوسروں کو بولتے ہیں۔