میں شو نہیں کروں گا ۔۔ دلجیت دوسانجھ نے آئندہ بھارت میں کنسرٹ کرنے سے انکار کیوں کر دیا؟ ویڈیو وائرل

بھارتی گلوکار دلجیت دوسانجھ نے آئندہ بھارت میں کنسرٹ نہ کرنے کا اعلان کردیا۔

حال ہی میں ایک شو کے دوران دلجیت دوسانجھ نے انڈیا میں آئندہ لائیو کنسرٹ نہ کرنے کا اعلان کیا، جس کی ویڈیو سوشل میڈیا پر وائرل ہو رہی ہے۔

میڈیا رپورٹ کے مطابق، انسٹاگرام پر ایک ویڈیو شیئر کی گئی جس میں دیکھا جا سکتا ہے کہ دلجیت لائیو شو کے دوران مداحوں سے کہہ رہے ہیں کہ، ان کی انتظامیہ سے گزارش ہے کہ شو کا انفرااسٹرکچر بہتر کرے ورنہ وہ آئندہ یہاں پر کبھی لائیو شو نہیں کریں گے۔

انہوں نے مزید کہا کہ میں آئندہ کوشش کروں گا کہ اسٹیج مداحوں کے درمیان ہو تا کہ میں ان کے بیچ میں پرفارم کرسکوں، اور اگر ایسا نہیں ہوا تو میں شو نہیں کروں گا۔

دلجیت کی یہ بات سن کر مداحوں نے شور مچانا شروع کردیا اور ان کی بات کی تائید کی۔