مرد ہو کر اپنی حد نہیں بھولے۔۔ ماہرہ خان سے ملاقات میں ایسا کیا ہوا کہ وسیم بادامی ہیرو بن گئے؟ ویڈیو وائرل

پاکستان کے معروف میڈیا پرسنالٹی وسیم بادامی اور شوبز انڈسٹری کی دلکش اداکارہ ماہرہ خان حالیہ طور پر کراچی میں آرٹس کونسل آف پاکستان کی جانب سے منعقد کی جانے والی 17ویں عالمی اردو کانفرنس کا حصہ بنے۔ یہ ایونٹ نہ صرف اردو زبان کے حوالے سے اہم تھا بلکہ یہاں شوبز اور میڈیا کی مشہور شخصیات کی ملاقاتیں بھی اس دن کی خاص بات بنی۔

ماہرہ خان عالمی اردو کانفرنس کے سیشن "میں ہوں کراچی" میں مہمان خصوصی کے طور پر شریک ہوئیں، جبکہ ان کی میزبانی کے فرائض معروف اینکر وسیم بادامی نے انجام دیے۔ جہاں ماہرہ کی شرکت نے مداحوں کو محظوظ کیا، وہیں کانفرنس میں ہونے والی باتوں اور سوالات نے سلیبریٹیز کو بھی محضوظ کر دیا۔

کانفرنس کے دوران ایک خاص لمحہ اُس وقت آیا جب وسیم بادامی اور ماہرہ خان کے درمیان مصافحے کا منظر سامنے آیا۔ ویڈیو میں دیکھا جا سکتا ہے کہ جیسے ہی ماہرہ خان نے وسیم کی جانب اپنا ہاتھ بڑھایا، بادامی نے فوراً اپنا ہاتھ نہیں بڑھایا بلکہ اپنے دوسرے ہاتھ میں تھامے ہوئے مائک کو پیش کر دیا۔ یہ منظر سوشل میڈیا پر وائرل ہو گیا اور مداحوں نے وسیم کے شرمیلے انداز کو "ٹرو جینٹلمین" کا خطاب دے دیا۔

سوشل میڈیا پر اس ویڈیو نے ایک نیا ہنگامہ برپا کیا۔ اس کے بعد ویڈیوز اور کمنٹس نے سیشن کی اصل فضا کو اور بھی رنگین بنا دیا، خصوصاً ماہرہ خان کی مرون ساڑھی اور دلکش مسکراہٹ نے ہر کسی کا دل جیت لیا۔ اس خاص لمحے کو دیکھ کر مداحوں نے اس ملاقات کو یادگار قرار دیا اور کہا کہ ماہرہ اور وسیم کی یہ ملاقات شوبز کی تاریخ کا ایک حسین لمحہ ثابت ہوئی۔

اسی دوران، جب سیشن میں فردوس جمال کے حوالے سے سوال پوچھا گیا تو ماہرہ خان نے انتہائی شائستگی کے ساتھ جواب دیا، جو کہ مداحوں کے درمیان خاصی پذیرائی حاصل کر گیا۔ ماہرہ خان نے اپنے نرم اور محترمانہ انداز سے نہ صرف سوال کا مؤدب جواب دیا بلکہ ان کی یہ بات سوشل میڈیا پر وائرل ہو گئی، اور لوگوں نے ان کی سلیقے کو بے حد سراہا۔

اس کانفرنس میں ماہرہ خان اور وسیم بادامی کے درمیان ہونے والے ان دلچسپ اور دلچسپ لمحوں نے نہ صرف حاضرین کو محظوظ کیا بلکہ سوشل میڈیا پر بھی ایک نیا رنگ بھر دیا۔