پاکستان کی معروف اداکارہ دانیہ انور نے حال ہی میں انکشاف کیا ہے کہ ان کا لیجنڈری اداکار ندیم بیگ کے ساتھ قریبی رشتہ ہے۔
مختلف ڈراموں میں بہترین اداکاری سے شوبز کی دنیا میں نام بنانے والی دانیہ انور بہت کم عرصے میں ہی لوگوں کے دلوں میں جگہ بنانے میں کامیاب ہوگئی ہیں۔ دانیہ اس سے قبل اپنی پہلی ناکام شادی کا بھی انکشاف کر چکی ہیں جو کہ خلع کی صورت میں ختم ہوئی تھی۔
حال ہی میں دانیہ نے عمران اشرف کے شو مذاق رات میں شرکت کی، جہاں مختلف موضوع پر بات کرتے ہوئے انہوں نے محبت ہونے کے احساس کے بارے میں بھی بتایا۔
دانیہ نے کہا کہ، ان کی پہلی محبت ناکام ہوگئی تھی لیکن دوسری شادی کے بعد پتا چلا کہ محبت کیا ہوتی ہے۔
اسی دوران عمران اشرف نے اداکارہ سے ان کی دوسری محبت کے حوالے سے بات کرنے کی اجازت مانگتے ہوئے دانیہ کے شوہر سے متعلق انکشاف بھی کیا۔
عمران اشرف نے بتایا کہ، دانیہ انور نے ماضی کے مقبول فلمی ہیرو ندیم بیگ کے بیٹے فرحان ندیم بیگ سے دوسری شادی کی ہے۔
ان کی اس بات پر دانیہ نے اعتراف کیا کہ، ہاں وہ سپر اسٹار ندیم بیگ کی بہو ہیں، اور انہیں دوسری شادی کے بعد ہی اصل محبت کا احساس ہوا ہے۔