پاکستانی اور بین الاقوامی شہرت یافتہ قوال و موسیقار راحت فتح علی خان دورانِ پرفارمنس پھوٹ پھوٹ کر رو دیئے۔
حال ہی میں راحت فتح کی ایک ویڈیو سوشل میڈیا پر وائرل ہو رہی ہے جس میں انہیں قوالی کے درمیان روتے ہوئے دیکھا جا سکتا ہے۔
دراصل یہ ویڈیو ان کے تایا اور عالمی شہرت یافتہ قوال و موسیقار نصرت فتح علی خان کی وفات کے بعد کی ہے، جو ان دنوں صارفین کی نظروں میں آئی۔
سالوں پرانی اس ویڈیو میں راحت فتح علی خان مشہور قوالی 'انکھیاں اوڑیک دیاں' گاتے سنائی دے رہے ہیں اور پھر اچانک گاتے ہوئے پھوٹ پھوٹ کر رونے لگتے ہیں۔
کیونکہ دوران پرفارمنس ان کو اپنے تایا کی یاد آگئی تھی جس کی وجہ سے وہ اپنے جذبات پر قابو نہ رکھ سکے اور زاروقطار رونے لگے۔ اور صرف وہی بلکہ پرفارم کرنے والا پورا قوال گروپ ہی اپنے استاد کو یاد کر کے روتا رہا اور انہیں دیکھ آڈینس کی آنکھیں بھی بھر آئیں۔
واضح رہے، راحت فتح، نصرت فتح علی خان کی پرفارمنس میں ان کے برابر یا اکثر پیچھے بیٹھے نظر آتے تھے اور تایا سے ہی انہوں نے یہ کمالِ موسیقی سیکھا۔