پاکستانی مشہور اداکارہ عائزہ خان اور بالی ووڈ سپر اسٹار شاہ رخ خان کے ایک ساتھ ڈرامہ کرنے سے متعلق خبریں پچھلے دنوں سوشل میڈیا پر گردش کر رہی تھیں۔
وائرل پوسٹ میں یہ کہا گیا کہ شاہ رخ خان اور عائزہ خان نے ایک ساتھ نیا ڈرامہ سائن کیا ہے جو بہت جلد نشر کیا جائے گا۔
یہ پوسٹ جب عائزہ خان کی نظروں سے گزری تو اس پر ردعمل دینے سے خود کو روک نہیں پائیں۔
اداکارہ نے یہ پوسٹ اپنی انسٹاگرام اسٹوری پر شیئر کرتے ہوئے حیرت کا اظہار کیا اور لکھا کہ،
"یہ ڈرامہ ریلیز کب ہوگا، یہ بھی بتادیں"
جس پر ایک صارف نے ہنستے ہوئے سوال کیا کہ، "آپ کو بھی اس پروجیکٹ کا پتا نہیں ہے کیا؟"
عائزہ خان سوشل میڈیا پر کافی متحرک رہتی ہیں اور اپنے مداحوں سے اکثر و بیشتر چٹ چیٹ کرتی رہتی ہیں۔