’کالکی فلم دیکھی، واو۔ کیا شاندار رزمیہ فلم ہے! ہدایتکار ناگ ایشون نے انڈین سینما کو ایک الگ سطح پر پہنچا دیا ہے۔ اپنے پیارے دوست اشونی دت، امیتابھ بچن، پربھاس راجو، کمل ہاسن، دپیکا پاڈوکون اور فلم کالکی کی ٹیم کو تہہ دل سے مبارکباد۔ اس کے دوسرے حصے کا بے صبری سے انتظار ہے۔‘
یہ الفاظ جنوبی انڈین سنیما کے سپر سٹار رجنی کانت کے ہیں جو انھوں نے فلم ’کالکی 2898 اے ڈی' کے لیے لکھے ہیں۔
یہ فلم 27 جون کو جمعرات کے دن ریلیز ہوئی اور اس نے انڈین سنیما کی تاریخ میں اب تک کی تیسری سب سے بڑی اوپننگ دی ہے۔ یہ فلم ہندی اور انگریزی کے ساتھ بیک وقت کئی علاقائی زبانوں میں بھی ریلیز ہوئی اور اس نے انڈین میڈیا کی رپورٹس کے مطابق ایک دن میں انڈیا بھر میں مجموعی طور پر تقریباً 95 کروڑ کا بزنس کیا۔
رجنی کانت نے جن لوگوں کو مبارکباد دی ہے اس سے آپ کو اندازہ ہو ہی گیا ہو گا کہ اس فلم کی کاسٹ میں کتنے بڑے نام ہیں۔
فلم میں بالی وڈ کے معروف اداکار امیتابھ بچن بھی ہیں جنھیں ایک سروے میں صدی کا سب سے بڑا اداکار کہا گیا تھا۔ جبکہ پربھاس وہ ہیں جن کی باہو بلی جیسی فلموں نے کئی ریکارڈز قائم کیے۔
اس میں کمل ہاسن ہیں جنھوں نے فلم ’ہے رام‘ بنا کر انڈین سینما کو ہالی وڈ کے ٹکر میں لاکھڑا کیا تھا جبکہ اداکارہ دپیکا پاڈوکون کسی تعارف کی محتاج نہیں ہیں۔
فلم کی کہانی
انڈیا کی رزمیہ داستان مہابھارت پر کئی فلمیں بن چکی ہیں اور اس پر ایک بڑا سیريل بھی تخلیق کیا جا چکا ہے۔ یہی داستان فلم کا پلاٹ اور اسی کے کردار اس فلم کی بنیاد ہیں۔
کہانی کبھی ماضی میں تو کبھی مستقبل میں آگے پیچھے جھولتی رہتی ہے۔ جیسا کہ فلم کے عنوان 'کالکی 2898 اے ڈی' سے ظاہر ہے اور اس طرح اسے مہابھارت کی کہانی کا سیکوئل کہا جا سکتا ہے۔
فلم کی شروعات کورو اور پانڈوں کے درمیان ہونے والی اساطیری کروکشیتر کی جنگ سے ہوتی ہے۔ فلم میں جدید ٹیکنالوجی کے استعمال سے دکھایا گیا ہے کہ جنگ کے خاتمے کے 6000 سال بعد کیا ہوتا ہے۔
ہندو مذہب کے مطابق کالکی ان کے بھگوان ہیں جسے ابھی دھرتی پر آنا ہے اور انھیں بھگوان وشنو کا دسواں اوتار کہا جاتا ہے۔ اس فلم میں وہ دیپیکا پاڈوکون کے ہاں پیدا ہونے والا بچہ ہے۔ اشواتھاما (امیتابھ بچن) کالکی کو بچانے کے لیے لڑتے ہیں۔ اداکار کمل ہاسن نے یاسکن کا کردار ادا کیا ہے جو کہ ایک ولن ہے اور وہ امیتابھ بچن کی راہ میں حائل ہے۔
فلم آدی پرش کی پہلے روز ’ریکارڈ کمائی‘ لیکن تنازع ایسا جو تھمنے کا نام نہیں لے رہا’پشپا‘ کے 14 دن میں 234 کروڑ، جنوبی انڈین فلمیں اتنی مقبول کیوں ہیں؟سنہ 2024 میں ریلیز ہونے والی وہ انڈین فلمیں جن کا لوگوں کو بے صبری سے انتظار ہے
کاشی دنیا کا آخری شہر ہے جہاں نہ تو خوراک ہے اورہی پینے کے پانی جیسا زندگی کا کوئی ذریعہ ہی ہے۔ یاسکن ان سب کو ایک اہرام نما کمپلیکس میں اپنے کنٹرول میں رکھتا ہے جو کہ عام انسان کے لیے ناقابل رسائی ہے۔
کہانی فلم کے ہیرو بھیرو (پربھاس) کے ارد گرد گھومتی ہے کہ وہ کس کا ساتھ دیتا ہے۔ اشواتھاما کا یا یاسکن کا۔ اور کیا فلم کے آخر میں برائی پر اچھائی کی فتح ہوتی ہے؟
بہت سے مداحوں کا کہنا ہے کہ یہ فلم باہوبلی کے بعد پربھاس کی بڑی واپسی ہے۔ بھیرو کا کردار فلم میں مزاح کا اضافہ ہے۔ بھیرو کی مصنوعی ذہانت سے چلنے والی گاڑی بھوجی ہے۔ اداکارہ کیرتی سریش نے اس گاڑی کو اپنی آواز دی ہے۔
دپیکا پاڈوکون (سمتی) ایک ایسی خاتون کا کردار ادا کر رہی ہیں جن کا آنے والے بچے کے بارے میں خیال کیا جاتا ہے کہ وہ بھگوان وشنو کا 10 واں اوتار کالکی ہے اور جسے بری طاقتیں مارنا چاہتی ہیں۔ فلم کو کالکی نام دینے سے پہلے اس فلم کا نام ’پروجیکٹ کے‘ تھا۔
کمل ہاسن کا نام امیتابھ نے تجویز کیا
فلم کی ریلیز سے قبل فلم سازوں نے بتایا کہ کمل ہاسن کو فلم میں لانے کے لیے انھیں بہت محنت کرنی پڑی۔ کمل ہاسن نے فلم میں ایک مرکزی کردار ’یاسکن‘ کا کردار ادا کیا ہے۔
فلم سازوں نے بتایا کہ اس کردار کے لیے امیتابھ بچن نے کمل ہاسن کا انتخاب کیا کیونکہ وہ اس کردار کے لیے پربھاس سے زیادہ مضبوط کوئی اداکار چاہتے تھے۔
جبکہ کمل ہاسن کا کہنا تھا کہ فلم میں جب امیتابھ اور پربھاس جیسے اداکار ہوں گے تو پھر میں کیا کروں گا۔ فلم سے جڑے عملے نے کہا کہ انھوں نے ایک سال تک کمل ہاسن کے اس فلم میں کام کرنے کا انتظار کیا۔
پربھاس نے میڈیا سے بات کرتے ہوئے مزاحیہ انداز میں کہا کہ کمل ہاسن سوچ رہے ہوں گے کہ ’آپ مجھے کیوں پریشان کر رہے ہیں مجھے اکیلا چھوڑ دیں۔‘
اطلاعات کے مطابق کمل ہاسن نے اس فلم کے لیے تمام زبانوں میں ڈبنگ کی ہے۔
فلم تین گھنٹے اور ایک منٹ طویل ہے۔ پہلے نصف میں یہ بھیروا کا تعارف کرایا جاتا ہے کہ بھیروا کون ہے۔ اس کے بعد جلدی جلدی گزرتے مناظر میں کہانی آسوتھاما، بھیروا اور سمتی کے گرد گھومتی ہے۔
کمل ہاسن صرف آدھے گھنٹے کے لیے سکرین پر نظر آتے ہیں۔ تاہم فلم دیکھنے والے مداحوں نے بی بی سی تمل کو بتایا کہ ان کا کردار بہت دلچسپ ہے۔
سوشل میڈیا پر فلم کے متعلق اچھے تبصرے
پربھاس کے فینز رجنی کانت کے تعریفی کلمات پر پھولے نہیں سما رہے ہیں اور ان دونوں کی تصویر کے ساتھ خوشی کا اظہار کر رہے ہیں۔
https://twitter.com/rajinikanth/status/1806923713163784223
جبکہ امیتابھ بچن کے مداح کہہ رہے ہیں کہ اینگری ینگ مین نے اس شو کو اپنے نام کر لیا ہے۔
رونق منگوٹی نامی ایک صارف نے لکھا کہ 'سنہ 2000 کے بعد کی ہندی فلموں میں امیتابھ بچن کو ایک کردار کے روپ میں پیش کیا گیا ہے لیکن تیلگو فلم نے انھیں ایک لیجینڈ کے روپ میں پیش کیا ہے۔ ناگ ایشون نے پکایا اور امیتابھ بچن نے سب کھا لیا۔‘
https://twitter.com/RaunaqMangottil/status/1806372013159944340
اداکار یش نے لکھا کہ کالکی فلم کی ٹیم کو اس طرح کی بصری طور پر حیرت میں ڈالنے والی فلم بنانے پر مبارکباد۔ اس فلم سے تخلیقی طور پر کہانی کہنے کا راستہ ہموار ہوا ہے۔'
کئی فلم رویوز میں اس میں ہدایتکاروں کے فلم میں آنے کو نشانہ بنایا گیا ہے اور کہا گیا ہے کہ وہ بلا ضرورت تھا۔ امیتابھ بچن نے کالکی کی ٹیم کی ایک تصویر ڈال کر لکھا ہے کہ ’ابھی تک نشہ اترا نہیں ہے۔'
بہت سے لوگ ان فلموں کی فہرست ڈال رہے ہیں جنھوں سب سے زیادہ کمائی کی ہے۔
سنہ 2024 میں ریلیز ہونے والی وہ انڈین فلمیں جن کا لوگوں کو بے صبری سے انتظار ہےڈنکی: تارکین وطن کی مشکلات پر مبنی شاہ رخ خان کی نئی فلم، جس میں پانچ دوست ہر قیمت پر انگلینڈ پہنچنا چاہتے ہیں’آزاد ہندوستان کا پہلا دہشت گرد ہندو تھا‘شاہ رخ خان کی فلم ’جوان‘ کی تاریخ ساز اوپننگ، پہلے دن دنیا بھر میں ایک ارب 29 کروڑ روپے کی کمائی ’ابھی تو یہ شروعات ہے‘انڈیا میں ’پاکستان زندہ باد‘ کے نعرے پر ایک بار پھر تنازع: انڈین سیاست میں آج بھی ’پاکستان کارڈ‘ کیوں چلتا ہے؟