تھوڑی سی شہرت سے ہی دماغ خراب ۔۔ نواز الدین نے خود کو شاہ رخ سے بڑا اداکار کیوں سمجھ لیا؟

کہتے ہیں کہ دولت اور شہرت اکثر انسان کا دماغ خراب کردیتی ہے، کچھ لوگوں میں جہاں پیسہ اور عزت ملنے کے بعد عاجزی اور انکساری پیدا ہوتی ہے وہیں کچھ لوگ تھوڑی سی مقبولیت پاتے ہی خود کو دوسروں سے برتر سمجھنے لگتے ہیں لیکن وہ یہ بھول جاتے ہیں کہ پبلک سب جانتی ہے۔

ایک حالیہ انٹرویو میں اداکار نواز الدین صدیقی سے پوچھا گیا کہ کیا آپ نے اپنے بارے میں کبھی یہ بات سنی ہے کہ آپ کے ہر فلم میں ایک ہی جیسے کردار ہوتے ہیں؟۔

اُنہوں نے اس سوال کاجواب دیتے ہوئے کہا کہ میں اتنا ضدی آدمی ہوں کہ کبھی اپنے آپ کو ایسے ایک جیسے کردار کرنے ہی نہیں دوں گا۔

نواز الدین نے اپنی بات کرنے کے بجائے سیدھا کنگ خان شاہ رخ کو نشانہ بنایا اور شاہ رخ خان کے مشہور انداز میں پوز دیتے ہوئے کہا کہ ’یہ ٹائپ کاسٹ والے ہیرو ہوتے ہیں اور وہ 35 سال تک ایک ہی جیسی چیزیں کرتے رہتے ہیں۔

نواز الدین صدیقی کے انٹرویو کا یہ ویڈیو کلپ سوشل میڈیا پر گردش کر رہا ہے جس پر انہیں صارفین کی جانب سے تنقید کا سامنا ہے۔