مجھے جال میں کیسے پھنسایا گیا اور ۔۔ عادل خان نے راکھی ساونت سے شادی کی حقیقت کھل کر بتادی

بالی ووڈ اداکارہ راکھی ساونت کے سابق شوہر عادل خان کا کہنا ہے کہ راکھی نے انہیں جال میں پھنسایا اور اپنے سابق شوہر سے طلاق لیے بغیر ان سے شادی کی۔

راکھی ساونت کے سابق شوہر عادل خان درانی نے میڈیا سے گفتگو کرتے ہوئے بتایا کہ راکھی نے یقین دلایا تھا کہ وہ بدلنا چاہتی ہے اور اپنا سب کچھ چھوڑ کر اسلام قبول کرکے ان سے شادی کرنا چاہتی ہیں۔

عادل خان نے کہا کہ راکھی نے بتایا تھا کہ دیپک نے شادی کا ڈرامہ کرنے کے لئے پیسے دیئے تھے اور ریتیش سے پیسوں کے لئے شادی کی تاہم اب وہ بدلنا چاہتی ہیں لیکن راکھی نے ریتیش سے طلاق لی ہی نہیں اور مجھ سے شادی کر لی اور دونوں سے تعلقات قائم رکھے۔

عادل خان نے کہا کہ راکھی نے ڈرگز دینے کے بعد میری ویڈیو ریکارڈ کی جس کی بنیاد پر مجھ پر الزام لگاتی ہے کہ میں نشہ کرتا ہوں، بلکہ اسی نشے کی حالت میں ویڈیو ریکارڈ کی اور مجھے جو جو کہنے کے لئے کہا میں نے کہہ دیا۔ راکھی نے میری برہنہ ویڈیوز ریکارڈ کیں جس کی وجہ سے مجھے بلیک میل کرتی ہیں۔

انہوں نے کہا کہ میں راکھی ساونت مجھ سے 19 برس بڑی ہیں، میں تشدد نہیں کرتا تھا بلکہ راکھی مجھے مارا پیٹا کرتی تھی۔ انہوں نے کہا کہ راکھی ساونت کے ساتھ تعلقات پر افسوس ہے، یہ زندگی کی سب سے بڑی غلطی تھی۔ راکھی ساونت کے خلاف ہتک عزت کا مقدمہ دائر کرنے کا ارادہ ہے۔