میرا بچہ دُنیا میں نہیں رہا ۔۔ راکھی ساونت اپنے حمل سے متعلق بات کرتے ہوئے رو پڑیں

راکھی ساونت کی شادی ایک معمہ بن گئی ہے، کبھی عادل اس شادی کو نہیں مان رہا تھا تو کبھی راکھی رو رو کر اپنے شوہر سے بھیک مانگ رہی تھی کہ مجھے قبول کرلو پھر سلمان خان نے راکھی سے ان کی صلح کروائی، وہیں ان کی والدہ کینسر اور ٹیومر کے امراض کے باعث ہسپتال میں داخل ہیں۔ ان کے متعلق سوشل میڈیا پر خوب خبریں گرم ہیں۔ مگر اب ان کا ایک انٹرویو سامنے آیا ہے۔ جس میں راکھی کہتی ہیں

" میں نے صرف شوہر کی طرف سے غم نہیں اٹھایا بلکہ اپنا پہلا بچہ بھی کھویا ہے۔ میری شادی پچھلے سال جولائی میں عادل درانی سے ہوئی تھی اور میں حاملہ بھی ہوگئی تھی، میری گود میں عادل کی اولاد تھی لیکن میرا مس کیرج ہوگیا اور میرا پہلا بچہ ضائع ہوگیا۔ "

راکھی نے یہ بھی کہا کہ یہ بات میں نے پہلے ٹی وی شو بگ باس مراٹھی پر بھی کہی تھی کہ میرا مس کیرج ہوگیا لیکن لوگوں نے میرا مذاق اڑایا کہ میں جھوٹ بول رہی ہوں، لیکن وہ سچ تھا میں سب کو 1 سال تک ہنساتی رہی سب کچھ نارمل بتاتی رہی لیکن میں بھی ایک عورت ہوں اور بچہ کھونے کا دکھ جانتی ہوں۔