صرف عام عوام ہی نہیں بلکہ شوبز شخصیات بھی ڈاکٹرز کے وقت پر نہ آنے سے پریشان رہتی ہیں۔ انہی میں اداکار فیضان شیخ بھی شامل ہیں جن کی پوسٹ وائرل ہو رہی ہے۔
معروف اداکار فیضان شیخ نے اپنے ڈاکٹر کے تاخیر سے آنے پر غم وغصے کا اظہار کیا اور تنگ آکر ایک اسٹوری پوسٹ شئیر کر ڈالی۔
اداکار نے سماجی رابطے کی ویب سائٹ انسٹاگرام اسٹوری شئیر کی جس میں انہوں نے لکھا جس ملک میں پولیس اور ڈاکٹرز وقت پر نہیں آسکتے وہاں کیا بہتری آئے گی۔
انہوں نے اپنی اسٹوری میں مزید لکھا کہ آج میں نے 90 منٹ تک ڈاکٹر کا انتظار کیا جب کہ میں اپنی تقرری (Appointment) سے دس منٹ قبل پہنچا ہوں۔
خیال رہے فیضان شیخ اور ماہم عامر اگست 2018 میں رشتۂ ازدواج میں منسلک ہوئے تھے اور گذشتہ برس 29 دسمبر کو ان کے ہاں بیٹی کی پیدائش ہوئی۔