صوبائی وزیر اسد کھوکر کے بیٹے کی ولیمہ تقریب گذشتہ رات لاہور کے علاقے ڈیفنس میں تھی، جس میں ان کے گھر والوں سمیت مختلف سیاسی شخصیات نے بھی شرکت کی، مگر سیکیورٹی گارڈز کی جانب سے شریک مہمانوں کی چیکنگ نہ کی گئی ۔
اس لاپرواہی کے عوض اسد کھوکر کے بیٹے کے ولیمے میں ایک ایسا شخص بھی داخل ہوگیا جو اسد کے بھائی مبشر کے قتل کے ارادے سے آیا تھا اور اس کے پاس پستول بھی موجود تھی جس کو اس نے 40 ہزار روپے دے کر رجسٹرڈ کروایا ہوا تھا۔
ملزم شادی کے پنڈال میں آیا اور مہمانوں کے ساتھ بیٹھا ہوا تھا، جوں ہی
و
زیرِ اعلیٰ پنجاب سردار عثمان بزدار واپس جانے لگے تو اسد کھوکر اور ان کے بھائی ان کے ساتھ تھے، وہ وزیرِ اعلیٰ کے پیچھے پیچھے شادی ہال سے باہر آ گیا اور جب عثمان بزدار گاڑی میں بیٹھے تو اس نے آگے جا کر مبشر پر فائرنگ کر دی، جس سے وہ جاں بحق ہوگئے۔
ملزم ناظم کو پولیس نے واقعے کے بعد گرفتار کرلیا جس پر اس نے پولیس کو قتل کرنے کی وجہ بتاتے ہوئے کہا کہ :
''
مبشر میرے بھائی بلے اور چچا کے قتل میں ملوث تھا، میں نے منشا کے قتل میں 8 سال جیل کاٹی اور اب اس کے قتل کی منصوبہ بندی خود کی اور میں اپنے مقصد میں کامیاب ہوگیا۔
مبشر کھوکھر کا پوسٹ مارٹم بھی مکمل ہو گیا ہے، جس کے مطابق بائیں آنکھ پر لگنے والی گولی جان لیوا ثابت ہوئی اور وہ جانبر نہ ہوسکے۔ گولیاں لگنے سے مبشر کھوکھر اور ساتھی افضل نامی شخص زخمی ہو گیا، ان کو ڈیفنس کے نجی اسپتال منتقل کیا گیا تھا البتہ اسد کھوکر کے بھائی کا انتقال رات ہی ہوگیا تھا۔