رواں سال کی سب سے زیادہ وائرل ہونے والی ویڈیو" پاوری ہو رہی ہے" اور اس ویڈیو
کو بنانے والی دنانیر مبین پاکستان سمیت بھارت میں بہت مقبول ہوئی ہیں۔
راتوں رات شہرت کی بلندیوں کو چھونے والی پاوری گرل نے بھارتی میڈیا کو انٹرویو دیا جس میں انہوں نے دلچسپ گفتگو کی۔
بھارتی میڈیا کو دیے گئے انٹرویو میں دنانیر مبین کا کہنا تھا کہ وہ بچپن سے کنگ خان شاہ رخ خان کی فلمیں شوق سے دیکھتی ہیں اور انہیں کبھی خوشی کبھی غم میں کرینہ کپور کا کردارپو بہت پسند ہے۔
انٹرویو کے دوران دنانیر کو ان کی ویڈیو پر بالی وڈ اداکاروں کی جانب سے بنائی گئی میمز اور ویڈیوز بھی دکھائی گئیں جس پر انہوں نے اپنے ردعمل کا اظہار کیا۔
یاد رہے کہ دنانیر کی 'پارری ہو رہی ہے ' ویڈیو اتنی مقبول ہو چکی ہے کہ پاکستانی اسٹارز کے ساتھ ساتھی پڑوسی ملک بھارت کے شوبز اسٹارز ، کھلاڑی اور دنیا کی مقبول ترین برانڈز بھی اب اس پر ویڈیوز اور اشتہارات بنا رہے ہیں۔