مہنگائی امیر کو غریب اور غریب کو مزید غریب بنا دیتی ہے، جس سے صرف عام عوام ہی پریشان نہیں ہیں بلکہ ہمارے اداکار بھی پریشان ہیں کیونکہ جس کی جتنی تنخواہ ہوتی ہے اس کے اتنے ہی اخراجات بھی ہوتے ہیں۔ شوبز اداکار بھی مہنگائی سے پریشان نظر آتے ہیں۔ آپ بھی سُنیئے یہ کیا کہتے ہیں:
ریشم:
پاکستانی اداکارہ ریشم بھی مہنگائی سے متعلق عام عوام کی طرح سوچتی ہیں، ان کے مطابق:
''
مہنگائی نے سب کی کمر توڑ دی ہے، پہلے جو لوگ سبزی اور دال روٹی کھا سکتے تھے آج ان کے لئے بھی اس مہنگائی نے کچھ نہ چھوڑا، حکومت کو سینیٹ انتخابات کی فکر عوام سے زیادہ ہے۔
''
سنجے کمار:
بھارتی فلموں میں کامیڈی کردار ادا کرنے والے سنجے کمار بھی مہنگائی کا رونا روتے نظر آتے ہیں، یہ بھی کرائے کے گھر میں رہتے ہیں ایک انٹرویو میں ان کا کہنا تھا کہ:
'' مہنگائی اتنی ہوگئی ہے کہ کپڑے خریدنے سے پہلے اور کھانا کھانے کے بعد سوچتا ہوں، کہیں زیادہ خرچہ تو نہیں کرلیا۔''
نوازالدین صدیقی:
بھارتی اداکار نواز الدین صدیقی نے بھارت میں ہونے والی مہنگائی سے متعلق کہا کہ:
'' زبردست مہنگائی ہے، فلموں میں جب تک کام ہے، اس وقت تک کھانا پینا اور رہنا ہے، جب یہ کام ختم، اس دن میرے اور کسی جھوپڑی میں رہنے والے شخص میں کوئی کمی نہیں ہوگی۔