بھارتی اداکار سشانت سنگھ راجپوت نے چاند پر پلاٹ خریدا، اسے دیکھنے کے لئے کتنے لاکھ روپے کی ٹیلی سکوپ خرید رکھی تھی؟ والد نے بڑا انکشاف کردیا

بالی ووڈ کے آنجہانی اداکار سشانت سنگھ راجپوت کے والد نے انکشاف کیا کہ ان کے بیٹے نے چاند پر زمین خرید رکھی تھی۔

اپنے ایک انٹرویو میں سشانت کے والد کا کہنا تھا کہ سشانت نے چاند پر پلاٹ خرید رکھا تھا، وہ چاند پر جانے کا خواہشمند تھا، اس نے چاند پر اپنا پلاٹ دیکھنے کیلئے 55 لاکھ روپے کی ٹیلی سکوپ خریدی تھی۔ وہ سارا دن ٹیلی سکوپ سے چاند پر اپنا پلاٹ ہی دیکھتا رہتا تھا۔

سشانت کے والد نے مزید بتایا کہ ان کا بیٹا اپنی ریاست بہار کے لوگوں کے لئے بہت کچھ کرنا چاہتا تھا، وہ لوگوں کی مدد کرنا چاہتا تھا، اس حوالے سے اس نے منصوبے بھی بنائے تھے لیکن اسے وقت نہیں مل سکا۔