والدہ کے انتقال کے بعد ناامید ہوگئی تھی، زندگی میں 2 بار خودکشی کا ارادہ کیا۔۔۔ پاکستان کی معروف اداکارہ کا اعتراف

پاکستان کی نامور اداکارہ نازش جہانگیر نے اپنی زندگی کے تلخ حقائق سے پردہ اٹھاتے ہوئے یہ اعتراف کیا ہے کہ انہوں نے اپنی زندگی میں 2 بار خودکشی کرنے کا فیصلہ کیا۔

اداکارہ نے سماجی رابطے کی ویب سائٹ انسٹاگرام پر ایک پوسٹ شئیر کی جس کے کیپشن میں تحریر کیا کہ 'میں والدہ کے انتقال کے بعد ناامید ہوگئی تھی، میں نے دو بار خودکشی کا بھی فیصلہ کیا۔ میں کسی سے بات کرنے کے قابل نہیں تھی اور سب کچھ میرے لیے بے معنی تھا'۔

نازش جہانگیر نے بتایا کہ وہ دس برس سے ڈپریشن میں مبتلا تھیں، پھر اپنے لیے وہ خود سے کھڑی ہوئیں اور ان لوگوں کو توجہ کا مرکز بنایا جن کے ساتھ اس طرح کے واقعات پیش آچکے تھے۔

View this post on Instagram

So here I am, I have been suicidal twice in my life after I lost my mother. I was hopeless I was unable to talk, everything was just meaningless for me. I have fought PTSD for 10 years as I mentioned this earlier but let me tell you all one thing very clearly, only I had a cure and that too within. I stoodup for myself, I took my every breakdown as a lesson, I fought my darkness and left it all behind me. I pray for everyone to be strong enough to talk about it and fight it the same way. There are times in your life when you don't feel right opening up to anyone, you don't even want to listen to anyone and that's the time where you have to talk your heart out and fight the depression living inside you, look for the positivity in your life, extract positivity from negativity, try to be kind with everyone,try to let people live their life the way they want to, try to not judge anyone. It's a request for wellbeing. Thankyou.❤️🙏🏻 #staypositive #staysafe #bekind #loveyourself #nazishjahangir

A post shared by Nazish Khan (@nazishjahangir) on Jun 16, 2020 at 6:11am PDT

اداکارہ کا کہنا تھا کہ میں سب کے لیے دعا کرتی ہوں کہ لوگ اتنے مضبوط ہوں کہ بیماری کے بارے میں بات کریں اور اس سے لڑیں، آپ کی زندگی میں ایسا وقت بھی آتا ہے جب آپ کسی سے بات کرنا مناسب نہیں سمجھتے، آپ کسی کی بات بھی سننا نہیں چاہتے اور یہی وہ وقت ہوتا ہے جب آپ کو اپنے دل کی بات کرنا ہوتی ہے اور اپنے اندر رہنے والی افسردگی کا مقابلہ کرنا ہوتا ہے۔

نازش جہانگیر نے کہا کہ آپ اپنی زندگی میں مثبت چیزیں تلاش کریں اور منفی چیزوں کو نکال دیں۔ سب کے ساتھ نرمی سے پیش آئیں، لوگ زندگی کو جس طرح‌ گزارنا چاہتے ہیں‌ انہیں‌ گزارنے دیں اور ہر ایک بارے میں اندازے نہ لگائیں۔