باکو سے بھارت کے شہر چنائے جانے والی غیر ملکی کارگو پرواز کو فنی خرابی کے باعث کراچی ایئرپورٹ پر ایمرجنسی لینڈنگ کرنا پڑی۔
ایئرپورٹ حکام کے مطابق سلک وے ایئرلائن کی پرواز بحیرۂ عرب میں بھارتی فضائی حدود کے قریب فنی خرابی کا شکار ہوئی جس پر پائلٹ نے فوری طور پر کراچی ایئر ٹریفک کنٹرول سے رابطہ کیا اور ہنگامی لینڈنگ کی اجازت طلب کی۔
اجازت ملنے پر کارگو طیارے نے بحفاظت کراچی ایئرپورٹ پر لینڈنگ کی۔ طیارے کو ٹرمینل ون پر کھڑا کردیا گیا ہے اور انجینئرنگ ٹیم طیارے کے فنی معائنے میں مصروف ہے۔ایئرپورٹ ذرائع کے مطابق لینڈنگ کے دوران کوئی جانی نقصان یا حادثہ پیش نہیں آیا۔