مشہور یوٹیوبر ارشد ریلز کے آفیشل پیج پر ان کے بھائی نے تشویشناک پیغام جاری کرتے ہوئے بتایا تھا کہ سیالکوٹ میں شدید بارش اور سیلابی کیفیت کے باعث ان کے بھائی ارشد اور اہلِ خانہ سے رابطہ منقطع ہوچکا ہے۔
ان کا کہنا تھا کہ بجوات سیکٹر میں پانی کی صورتحال انتہائی خراب ہو گئی ہے، جہاں سیلابی ریلوں نے نظامِ زندگی درہم برہم کر دیا ہے۔ متاثرہ علاقے میں بجلی کی فراہمی بھی بند ہے جبکہ سیالکوٹ کے ساتھ کم از کم 85 دیہات کا زمینی رابطہ ٹوٹ گیا البتہ سوشل میڈیا پر پوسٹ شیئر کرنے کے بعد ان کا رابطہ بحال ہوچکا۔
انھوں نے اپنی پوسٹ میں خدشہ ظاہر کیا تھا کہ پانی کے تیز بہاؤ اور بنیادی سہولیات کی معطلی نے لوگوں کو شدید مشکلات میں ڈال دیا ہے اور اہلِ خانہ کی خیریت جاننے کا کوئی ذریعہ باقی نہیں رہا۔
واضح رہے کہ سیالکوٹ کے نشیبی علاقوں میں حالیہ بارشوں کے بعد کئی دیہات مکمل طور پر زیرِ آب ہیں اور ریسکیو اداروں کو امدادی سرگرمیوں میں مشکلات کا سامنا ہے۔ مقامی آبادی اپنی مدد آپ کے تحت محفوظ مقامات کی جانب منتقل ہونے کی کوشش کر رہی ہے۔ ایسے میں مداح بڑی تعداد میں ارشد ریلز کے اہل خانہ کی سلامتی کے لیے دعائیں کرتے رہے۔ بھائی کی جانب سے سوشل میڈیا فیملی کا شکریہ بھی ادا کیا گیا ہے۔