"نیلم منیر قدرتی طور پر بےحد حسین ہیں، لیکن ان کا نیا شوق ایک خاص کاسمیٹک ٹریٹمنٹ ہے"
پاکستانی شوبز انڈسٹری کی خوبصورت اور باصلاحیت اداکارہ نیلم منیر نے ہمیشہ اپنی جاندار اداکاری اور دلکش حسن سے مداحوں کے دل جیتے ہیں۔ وہ بچپن سے ہی انڈسٹری کا حصہ ہیں اور آج پاکستان کی صفِ اول کی اداکاراؤں میں شمار کی جاتی ہیں۔ حال ہی میں انہوں نے اپنی ڈرماٹولوجسٹ ڈاکٹر امبرین کے ساتھ ایک پوڈکاسٹ میں شرکت کی، جہاں ان کے خوبصورتی کے راز سے پردہ اُٹھا!
نیلم منیر کون سا کاسمیٹک ٹریٹمنٹ کرواتی ہیں؟
ڈاکٹر امبرین نے نادیہ خان کے شو میں گفتگو کے دوران انکشاف کیا کہ نیلم منیر نے اپنی پوڈکاسٹ کے لیے ایک روپیہ بھی نہیں لیا بلکہ وہ بہت سنجیدہ اور مخلص شخصیت کی مالک ہیں۔ انہوں نے مزید بتایا کہ نیلم منیر بےحد حسین ہیں اور انہیں زیادہ کسی کاسمیٹک ٹریٹمنٹ کی ضرورت نہیں پڑتی، لیکن ایک خاص "ایگسوسوم تھراپی" ان کی پسندیدہ بن چکی ہے!
ایگسوسوم تھراپی کیا ہے؟
یہ جدید تھراپی ایک نوزائیدہ بچے کے پلاسنٹا (نالی) سے پلازما نکال کر جلد میں انجیکٹ کرنے کا عمل ہے، جس سے چہرہ تروتازہ، جوان اور چمکدار نظر آتا ہے۔ ڈاکٹر امبرین کے مطابق، یہ نیلم منیر کی خوبصورتی کے پیچھے کا نیا راز ہے!