صحیح سے چلا بھی نہیں جا رہا۔۔ سابق بھارتی کرکٹر ونود کامبلی کی صحت اچانک کیسے خراب ہوگئی؟

سابق بھارتی کرکٹر ونود کامبلی کی اچانک صحت خراب ہوگئی۔

52 سالہ ونود کامبلی کی ایک ویڈیو سامنے آئی ہے، جس میں دیکھا جاسکتا ہے کہ ان سے چلا پھرا نہیں جا رہا ہے اور انہیں لوگوں کا سہارے لینا پڑ رہا ہے۔

بھارتی میڈیا کے مطابق، ونود کامبلی کافی عرصے سے صحت کے مسائل کا شکار ہیں لیکن اب ان کی یہ نئی ویڈیو سامنے آنے کے بعد ان کے چاہنے والے تشویش کا اظہار کر رہے ہیں۔

وائرل ویڈیو دیکھ کر سوشل میڈیا صارفین مختلف قسم کی باتیں بنا رہے ہیں، کچھ کا کہنا ہے کہ وہ نشے کی حالت میں میں تھے جبکہ بہت سے لوگوں کا کہنا تھا کہ وہ کافی وقت سے بیمار ہیں جس کی وجہ سے وہ صحیح طرح سے چل پھر نہیں پا رہے ہیں۔

واضح رہے بھارتی کھلاڑی ونود کامبلی نے اپنے کیریئر میں 100 سے زائد ون ڈے جبکہ 17 ٹیسٹ میچز کھیلے ہیں، اور اب وہ کرکٹ پر تبصرے کرتے ہیں۔