کراچی میں قتل ہونے والے گولڈ میڈلسٹ اتقاء کے قاتل کوئٹہ سے گرفتار

سچ ٹی وی  |  Jun 08, 2024

کراچی کے علاقے گلشن اقبال میں گولڈ میڈلسٹ اتقا کے قاتل کو کوئٹہ سے گرفتار کرلیا گیا۔

ذرائع سی آئی اے کے مطابق اتقا قتل کیس میں اہم شواہد ملے ہیں اور گروپ کا سراغ لگا لیا ہے۔

ملزمان تربیت یافتہ ہیں جو اتقا کے قتل کے بعد بلوچستان فرار ہوگئے تھے۔ ملزمان کا کرمنل ریکارڈ حاصل کیا جارہا ہے۔

ذرائع نے بتایا کہ ملزمان گاڑیوں، موٹر سائیکلوں کی چھینا جھپٹی میں ملوث ہیں جو بلوچستان لے جاکر فروخت کی جاتی تھیں۔

یاد رہے کہ 27 سالہ گولڈ میڈلسٹ مکینیکل انجینئر اور حافظ قرآن اتقا معین کو یکم جون کو ڈاکوؤں نے قتل کردیا تھا اور ان کی موٹر سائیکل، موبائل فون اور دیگر سامان لوٹ کر فرار ہوگئے تھے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More