محکمہ موسمیات نے کن علاقوں میں بارش کی پیشگوئی کی ہے؟

سچ ٹی وی  |  Jun 05, 2024

محکمہ موسمیات نے بالائی پنجاب اور خیبرپختونخوا میں بارش کی پیشگوئی کی ہے۔

محکمہ موسمیات کےمطابق جنوبی اضلاع میں شدید گرمی کی لہرکا سلسلہ جاری ہے،خطہ پوٹھوہار،بالائی پنجاب اورخیبرپختونخوا میں بارش کا امکان ہے،اس کے علاوہ اسلام آباد اور گر دو نواح میں موسم ابرآلود رہنے کے ساتھ بارش کا امکان ہے۔

گلگت بلتستان اورکشمیر میں مطلع ابرآلود رہنے کے علاوہ بارش کا امکان ہے، بالائی خیبر پختونخوا میں بھی گرج چمک کے ساتھ بارش ہوسکتی ہے، راولپنڈی، مری،گلیات، اٹک،چکوال، جہلم، گجرات،گوجرانوالہ میں بارش متوقع ہے۔

محکمہ موسمیات نے ڈی جی خان،بہاولپور،راجن پور،مظفر گڑھ اور ملتان میں بھی بارش کا امکان ظاہرکیا ہے،شام میں سندھ کے بالائی اور وسطی اضلاع میں جھکڑ چلنے کا امکان ہے،سندھ کے ساحلی علاقوں میں موسم گرم اورمرطوب رہے گا۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More