بھارت کا مشہور کرائم ڈرامہ سیریل سی آئی ڈی کے اداکار فریڈی عرف (فریڈرک) کو کو گذشتہ روز دل کا دورہ پڑا تھا جس کے بعد اب ان کی موت ہوگئی۔
فریڈی کا اصل نام دنیش فیڈنس تھا جن کی موت 57 سال کی عمر میں ہوئی، وہ ممبئی کے نجی اسپتال میں زیر علاج تھے۔
بھارتی میڈیا رپورٹس کے مطابق اداکار کی موت جگر کی خرابی کے باعث ہوئی۔ ان کی موت کی تصدیق ان کے ساتھی اداکار دیانند شیٹی نے کی۔
دنیش فیڈنس تقریباً دو دہائی تک سی آئی ڈی ڈرامے کا حصہ رہے۔ انہوں نے سلور اسکرین پر بھی اپنی قسمت آزمائی اور سرفروش، میلہ اور دیگر فلموں میں بھی کام کیا۔
دنیش فیڈنس کے ساتھ کام کرنے والے ساتھی اداکار ان کی موت پر شدید رنج میں مبتلا ہیں۔