پاگل خانے آئے ہو ۔۔ عاصم اظہر طلبہ پر غصہ کیوں ہوگئے، یاسر حسین نے کیسے معاملہ سنبھالا؟ دیکھئے ویڈیو

ہماری ویب  |  Nov 10, 2023

گلوکار و اداکار عاصم اظہر نجی یونیورسٹی میں تقریب کے دوران ہانیہ عامر کے نام کے نعروں کی وجہ سے طلبہ پر برس پڑے، پاگل خانے سے آنے کا بھی کہہ دیا، موقع پر موجود اداکار یاسر حسین نے معاملہ زیادہ بگڑنے سے بچالیا۔

سوشل میڈیا پر وائرل ویڈیو میں دیکھا گیا کہ یاسر حسین اور عاصم اظہر نجی یونیورسٹی کی تقریب اسٹیج پر بیٹھے گفتگو کررہے ہیں اور اس دوران کچھ طلبہ ہانیہ عامر کے نام کے نعرے لگانا شروع کردیتے ہیں۔

بار بار ہانیہ عامر کا نام لینے پر عاصم اظہر نے اپنی بات روک کر کہا ، کیا ہوگیا بیٹا؟ آئی بی اے ہی آئے ہو یا پاگل خانے آئے ہو؟ اس سے پہلے کہ بات زیادہ بگڑتی یاسر حسین ماحول ہلکا کرنے کی کوشش کرتے ہیں۔

یاسر حسین نے عاصم اظہر سے کہا کہ یہاں سب پڑھے لکھے لوگ ہیں، برائے مہربانی ایسا نہ کریں، پرسکون رہیں، اس کے بعد کنسرٹ میں بھی جانا ہے، یا کنسرٹ منسوخ کرانا ہےجس پر عاصم اظہر پرسکون ہوگئے۔

یاد رہے کہ کچھ عرصہ قبل گلوکار عاصم اظہر اور اداکارہ ہانیہ عامر کے درمیان دوستی کی خبریں منظر عام پر آتی رہیں تاہم بعدازاں 2022 میں عاصم اظہر نے ماڈل و اداکارہ میرب علی سے منگنی کرلی تھی جس کے بعد ہانیہ عامر کے حوالے سے کوئی خبر نہیں آئی۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More