شاہ رخ خان کو کس سے خطرہ ۔۔ کنگ خان کو انتہائی خطرناک سیکورٹی کیوں دیدی گئی ہے؟ مداح بھی پریشان

ہماری ویب  |  Oct 09, 2023

بھارتی فلم انڈسٹری کے کنگ شاہ رخ خان کو فلم پٹھان اور جوان کی کامیابی کے بعد قتل کی دھمکیاں ملنے کے بعد انتہائی خطرناک وائے پلس سیکورٹی فراہم کردی گئی ہے۔

شاہ رخ نے رواں سال دو سپر ہٹ فلمیں پٹھان اور جوان دیں جس کے بعد نامعلوم افراد کی جانب سے سپر اسٹار کو قتل کیے جانے کے دھمکی آمیز پیغامات مسلسل موصول ہورہے ہیں۔

رواں سال شاہ رخ خان کے لیے خاصہ اچھا ثابت ہوا، کچھ ماہ قبل ریلیز ہونے والی یش راج فلمز کی پٹھان نے پوری دنیا میں کامیابی سے بزنس کرتے ہوئے 1050 کروڑ کا مجموعی بزنس کیا جب کہ فلم جوان اب تک پوری دنیا میں 1090 کروڑ کا بزنس کرچکی ہے۔

دھمکیوں کے بعد کنگ خان کی سیکورٹی میں اضافہ کردیا گیا ہے اور مہاراشٹراکا وی آئی پی سیکورٹی یونٹ ہر وقت شاہ رخ کے ساتھ رہے گا، سیکورٹی یونٹ میں چھ پرسنل سیکورٹی افسران اور پانچ مسلح گارڈز شامل ہیں

مہاراشٹرا کی حکومت نے شاہ رخ خان کو وائے پلس کیٹیگری کی سیکورٹی فراہم کردی ہے جبکہ اس کے علاوہ ممبئی میں شاہ رخ خان کے گھر منت کی سیکورٹی بھی بڑھا دی گئی ہے، ممبئی پولیس کے 4 اہلکار 24 گھنٹے اداکار کے گھر کی حفاظت پر مامور رہیں گے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More