13 سال اہم سرکاری ملازمت کی اور ۔۔ آپ جانتے ہیں افتخار ٹھاکر شوبز میں آنے سے پہلے کیا کرتے تھے؟ انکشاف کردیا

ہماری ویب  |  Oct 03, 2023

پاکستان کے معروف اداکار افتخار ٹھاکر کا کہنا ہے کہ شوبز میں آنے سے پہلے 13 سال تک سرکاری ملازمت کی ، اللہ تعالیٰ نے شوبز میں آنے کے بعد پے پناہ عزت اور شہرت سے نوازا ہے۔

ایک انٹرویو میں افتخار ٹھاکر نے بتایا کیا کہ انہوں نے شوبز میں آنے سے پہلے 1979 سے 1982 تک پاکستان کوسٹ گارڈ میں خدمات انجام دیں، اس وقت کوسٹ گارڈ کا شعبہ نیا بنا تھا۔

افتخار ٹھاکر نے بتایا کہ کوسٹ گارڈ میں ملازمت کے بعد انہوں نے اسلام آباد پولیس کیلئے خدمات انجام دیں اور 13 برس اور 7 ماہ کے بعد اس شعبے کو چھوڑ کر شوبز کی دنیا میں قسمت آزمانے کیلئے آگئے۔

افتخار ٹھاکر نے کہا کہ زندگی میں ایک چیز سیکھی ہے انسان اللہ کی بہترین مخلوق ہے اور انسان کو تمام انسانوں سے پیار کرنا چاہیے۔

یاد رہے کہ افتخار ٹھاکر پاکستان شوبز انڈسٹری کے سینئر ترین فنکاروں میں سے ایک ہیں، افتخار ٹھاکر نے اسٹیج ڈراموں کے علاوہ ٹی وی ڈراموں اور فلموں میں بھی اہم کردار ادا کئے۔

افتخار ٹھاکر اس وقت بھارتی پنجابی فلموں میں بھی اپنی صلاحیتوں کے جوہر دکھارہے ہیں جس کی وجہ سے ان کی مقبولیت میں مزید اضافہ دیکھنے میں آرہا ہے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More