شوگر کم کرنی ہے تو یہ کام معمول بنالیں ۔۔ کھانے کے بعد کتنے منٹ کی واک خون میں شکر کم کرسکتی ہے؟

ماضی میں کچھ بزرگوں کو شوگر یا بلڈپریشر کی بیماری لاحق ہوتی تھی لیکن وقت کے ساتھ ساتھ شوگر کی بیماری نوجوانوں میں بھی تیزی سے پھیلتی جارہی ہے جس کی وجہ لوگوں کا لائف اسٹائل ہے تاہم ماہرین نے شوگر کے خطرے کو کم کرنے کیلئے انتہائی آسان طریقہ بتادیا ہے۔

عالمی ماہرین نے ایک سروے کے بعد رپورٹ تیار کی ہے جس کے مطابق ہرکھانے کے بعد صرف دو منٹ تک تیزقدمی سے خون میں شکر کی مقدار کم کی جاسکتی ہے۔

ماہرین کا کہنا ہے کہ اسپین اور دیگر ممالک کے لوگ ہرکھانے کے بعد چہل قدمی کے عادی ہیں جس کی وجہ سے ان میں ذیابیطس کا مرض بہت ہی کم دیکھا گیا ہے۔

تحقیقی سروے کے مطابق ہرکھانے کے بعد چلنا بہت ضروری ہے، یہاں تک کہ بلڈ شوگرکنٹرول کرنے میں اس کا بہت اہم کردار ہوتا ہے۔ اگر ہر کھانے کے بعد چلنے کی عادت اپنائی جائے تو نہ چلنے والوں کے مقابلے میں بلڈ شوگر9.51 فیصد تک کم ہوسکتی ہے اور اگر دن میں کئی مرتبہ چلاجائے تو اس سے 17 فیصد شکرکم ہوسکتی ہے۔

ماہرین کہتے ہیں کہ اگرآپ زیادہ دیر تک بیٹھتے ہیں تو اٹھ کر چہل قدمی کیجئے کیونکہ اس سے بھی ذیابیطس بھگانے میں مدد مل سکتی ہے۔ آپ دن میں کئی مرتبہ 2 سے 5 منٹ کی واک کریں تو یہ روز نصف گھنٹے تک کی تیزقدمی ہوجائے گی۔

آپ ہفتے 150 منٹ کی واک کرتے ہیں تو ذیابیطس مرض کا خطرہ 33 فیصد تک کم کیا جاسکتا ہے۔کھانا کھانے کے 30 سے 90 منٹ کے دوران خون میں شکر کی مقدار بلند ہوجاتی ہے اور یہی وہ موقع ہے کہ ہم چلنے کو ترجیح دیں اور ذیابیطس سے محفوظ رہیں۔تو واک کی عادت اپنائیں اور شوگر کے مرض کواپنے سے دور بھگائیں۔