ہر شخص چاہے وہ امیر ہو یا غریب اپنے بچوں کے لئے خوشیاں حاصل کرنا چاہتا ہے۔ سارا دن محنت مزدوری کرنے والے غریب رائیڈرز بھی اپنے پیچھے گھر بچے اور خاندان رکھتے ہیں۔ بنیادی ضروریات کے علاوہ کبھی کبھی اپنے بچوں کے لئے تحفے خریدنے کا بھی دل کرتا ہے۔ اسی طرح ایک رائیڈر اپنی ڈیوٹی پوری کرنے جا ہی رہا تھا کہ اس کا آرڈر کسی نے چوری کرلیا اور وہ سڑک پر رونے لگا۔
یہ واقعہ مشہور ماڈل اور اداکار حسن خان نے دیکھا تو وہ افسوس کیے بغیر نہ رہ سکے۔ احسن رائیڈر کی تصویر شئیر کرتے ہوئے کہتے ہیں کہ “آرڈر چوری ہوگیا۔ اس رائیڈر کو اپنی بیٹی کے لئے سالگرہ کا تحفہ لے کر جانا تھا۔ اسے اس حال میں دیکھ کر میرا دل ٹوٹ گیا ہے۔
اس افسوس ناک واقعہ پر سوشل میڈیا صارفین بھی دل مسوس کر رہ گئے ہیں۔ مگر سوچنے والی بات ہے جس شہر میں عوام کی جانیں ایک موبائل کی خاطر لے لی جاتی ہوں وہاں کھانے کا آرڈر چرا لینا کون سی بڑی بات ہے۔ افسوس۔