ہمیں بہت خوشی ہے آپ واپس آرہی ہیں۔۔ تارک مہتا کا الٹا چشمہ میں دیا بین کی واپسی پر مداح خوشی سے نہال

اکثر ٹی وی ڈرامے دیکھنے والوں کو ڈرامے کے کردار کچھ ایسے بھا جاتے ہیں جیسے وہ ان کے گھر کا ہی حصہ ہوں اور جیسے وہ انھیں سالوں سے جانتے ہوں۔ ایسا ہی ایک کردار مشہور بھارتی ڈرامے “تارک مہتا کا الٹا چشمہ“ کا “دیا بین“ ہیں جنھوں نے اپنی مخصوص مزاحیہ اداکاری سے سالوں دیکھنے والوں کو اپنا مداح بنائے رکھا۔ لیکن پھر ایک دن وہ ڈرامے سے غائب ہوگئیں۔ البتہ اب ٦ برسوں بعد بھارتی میڈیا نے دوبارہ دیا بین کی واپسی کی نوید سنائی ہے۔

تارک مہتا کا الٹا چشمہ کے پروڈیوسر اسیت مودی نے بھارتی میڈیا سے گفتگو کرتے ہوئے بتایا کہ “دیا بھابھی نے مداحوں کو اپنی اداکاری سے خوب محظوظ کیا اور ان تمام سالوں میں ہمیں بھی خوب ہنسایا، مداح ایک عرصے سے ان کی واپسی کا انتظار کر رہے ہیں اور میں آپ سب سے وعدہ کرتا ہوں کہ دیشا وکانی جلد ہی تارک مہتا کا الٹا چشمہ میں واپس آئیں گی'“

واضح رہے کہ اس مقبول ترین بھارتی ڈرامے کو اب ١٥ برس مکمل ہوگئے ہیں۔ گزشتہ سال دیا بین کا کردار ادا کرنے والی دیشا وکانی کے ہاں بیٹے کی پیدائش بھی ہوئی تھی۔ مداح دیشا کی ڈراممے پر واپسی پر کافی خوش ہیں اور ان کے شدت سے منتظر ہیں۔