ماں نے 4 بیٹے پیدا کیے، اب کوئی ماں کو نہیں رکھ رہا، بیچاری اب زندہ کیوں ہے؟ بے بی باجی کے بیٹوں نے باغبان کے بچوں کو بھی پیچھے چھوڑ دیا، صارفین افسردہ

ہماری ویب  |  Jul 21, 2023

ڈرامہ بے بی باجی کی ہر گزرتی قسط گھر گھر کی کہانی اور آنسوؤں کی زبانی بنتی جا رہی ہے۔ بیچاری بے بی باجی اپنے شوہر کی موت کے بعد بالکل تنہا پڑ گئیں ہیں۔ اب ان کو کوئی سنبھالنے والا نہیں ہے۔ ان کے بیٹوں نے اپنی بیویوں کی غلامی کرنے میں کسی قسم کی کوئی کسر نہیں چھوڑی ہے۔ فلم باغبان میں آپ نے دیکھا کہ وہ میاں بیوی ایک دوسرے سے جدا نہیں رہنا چاہتے تھے جبکہ ان کے بچے ان کو اپنے گھروں میں رکھ رہے تھے چاہے وہ رویہ کیسا بھی ہو لیکن کم از کم والدین کے سر سے سایہ تو نہیں چھینا تھا۔ لیکن بے بی باجی کے بیٹے تو بیویوں کے آنچل سے بندھے ہوئے ہیں اور اپنی ماں کو ہی چھوڑنے کے لیے تیار ہوگئے ہیں۔

بے بی باجی کا ڈرامہ اس وقت پاکستان کے تقریباً ہر گھر میں کسی نہ کسی طرح دیکھا جا رہا ہے کوئی اس کو یوٹیوب پر دیکھ رہا ہے تو کوئی ٹی وی پر، کوئی فیس بک ریلز کی صورت میں دیکھ رہا ہے تو کسی نے یوٹیوب شارٹس میں اس کو دیکھا، ہر آنکھ ماں کے لیے پریشان ہے کہ بیچاری اب کہاں جائے گی؟

بے بی باجی کے لیے سب سے زیادہ اگر اس وقت سوچنے والا کوئی بیٹا ہے تو وہ ولید ہے لیکن جمال نے پیسے کمانے کی غرض سے اس کو لاہور بھیج دیا ہے۔ لاہور جانے والے ولید کو تو یہ بھی معلوم نہیں ہے اس کی چالاک بھابیاں کیسے اس کی ماں کو در بدر کر رہی ہیں۔ وہیں دوسری جانب ولید کی پسند، شہناز کی بیٹی بھی کسی اور کی ہونے جا رہی ہے۔ کیا اب باغبان کی طرح ولید واپس آ کر اپنی ماں کو سنبھالے گا اور ثمن سے شادی کرکے عذرا کو منہ توڑ کر جواب دے گا۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More