قرآن مجید ایک مسلمان کے لئے اس کی جان مال، عزت آبرو یہاں تک کہ اس کے ماں باپ کی جان سے بھی زیادہ عظمت رکھتا ہے۔ مسلمانوں کی زندگی میں قرآن مجید کی یہ اہمیت ان لوگوں کی سمجھ سے باہر ہے جو عزت کے مفہوم سے واقف نہیں۔ گزشتہ دنوں سوئیڈن میں قرآن مجید کی بے حرمتی کے بعد دنیا بھر کے مسلمان سراپا احتجاج بن گئے ہیں۔ اسی کو مدنظر رکھتے ہوئے عراق میں فٹبال لیگ کے دوران الشرطہ اور القاسم کے میچ میں دونوں ٹیموں نے ایک ہو کر اپنا شدید احتجاج ریکارڈ درج کروایا۔ ویڈیو دیکھیں
عراق کی فٹبال لیگ کی ٹیموں کے کھلاڑیوں اور ریفریز نے میچ شروع ہونے سے پہلے ایک ساتھ قرآن مجید کو تھاما اور بوسہ لیا۔ اپنی نوعیت کے اس پر امن احتجاج کی ویڈیو دنیا بھر میں تیزی سے وائرل ہورہی ہے۔
واضح رہے کہ سوئیڈن میں مقدس کتان کی بے حرمتی پر دنیا بھر کے مسلمان ممالک یہاں تک کہ غیر مسلم ممالک نے بھی شدید مذمت کی ہے اور اسے انسانی حقوق کی خلاف ورزی قرار دیا ہے۔