اکثر سوشل میڈیا پر مشہور شخصیات اور ان کی فیملی سے متعلق ایسی کئی معلومات ہیں، جو کہ سب کو حیران کر دیتی ہیں، کچھ ایسی ہوتی ہیں جو کہ دلچسپی کا باعث بن جاتی ہیں۔
ہماری ویب ڈاٹ کام کی اس خبر میں آپ کو مشہور کھلاڑیوں سے متعلق دلچسپ معلومات فراہم کریں گے۔
شاداب خان کی حال ہی میں مشہور سابق کھلاڑی ثقلین مشتاق کی بیٹی سے شادی ہوئی ہے، اگرچہ شادی سادگی سے انجام پائی، تاہم اس کے باوجود سب کی توجہ خوب سمیٹ لی۔
داماد اور سسر کے درمیان ایک ایسا دوستانہ رشتہ قائم ہو چکا ہے، جس میں وہ اپنے سسر کی نہ صرف عزت کرتے ہیں بلکہ کرکٹ کے میدان میں بہت سیکھ بھی رہے ہیں۔
اسکے ساتھ ساتھ داماد کو صلاح مشورہ دیتے ہوئے ثقلین مشتاق کا کہنا تھا کہ کچھ ہوجائے، کتنی ہی کامیابی کیوں نا مل جائے، مگر یہ سب اُس وقت بے کار ہوجائیں گی، اگر ایک انسان اچھا انسان نہیں ہوا تو، اسے اللہ کی مدد بھی شامل نہیں ہوگی۔
اسی طرح بوم بوم آفریدی جہاں کرکٹ کے میدان میں سب کی توجہ حاصل کرتے دکھائی دیتے ہیں۔ دلچسپ بات یہ بھی ہے کہ شاہد آفریدی اپنے داماد شاہین آفریدی کو کرکٹ کے میدان میں بھی مشورہ دیتے دکھائی دیتے ہیں۔
اس کے ساتھ ساتھ سسر داماد کے ہمراہ روزہ افطار کرتے اور وقت بتاتے بھی دکھائی دیے ہیں، دوسری جانب شاہد آفریدی داماد کو مکمل سپورٹ کرتے اور دعائیں دیتے بھی دکھائی دیتے ہیں۔
مشہور ٹینس اسٹار ثانیہ مرزا اور پاکستانی کھلاڑی شعیب ملک کی شادی جس طرح پاکستانی اور بھارتی میڈیا کی توجہ حاصل کر گئی تھی، اسی طرح اب ان کا پروگرام بھی سوشل میڈیا پر خوب توجہ حاصل کر رہا ہے۔
ثانیہ مرزا کے والد عماد مرزا جہاں بیٹی کی خوشی میں خوش دکھائی دیتے ہیں، وہیں وہ اپنے داماد شعیب پر بھی فخر کرتے ہیں، یہی وجہ ہے کہ داماد اور سسر دونوں عمرے کے لیے بھی ساتھ گئے تھے۔