کیسی بیوی ہے شوہر کے دشمن کے ساتھ نند کو بھگا دیا ۔۔ ڈرامہ تیرے بن میں مرتسم کی عزت کو داؤ پر لگانے والی میرب کو سوشل میڈیا صارفین نے آڑے ہاتھوں لے لیا

ڈرامہ تیرے بن کی گزشتہ روز آنے والی قسط میں میرب نے مرتسم سے انس اور مریم کے رشتے کی بات ایک مرتبہ پھر سے کرنے کی کوشش کی جس پر مرتسم نے اپنا سب سے بڑا سپنا اپنی چاہت اور بیان کرتے ہوئے کہا میرب میرے سر پر ذمہ داریوں کی ایک پگڑی ہے تم ایسا کوئی کام نہ کرنا کہ جس سے میں اپنی دوسری چاہت بھی کھو دوں۔ لیکن میرب نے ایک مرتبہ پھر مرتسم کا سر شرم سے جھکا دیا اور اپنی نند مریم کو اپنے ہی شوہر کے دشمن کے ساتھ گھر سے بھگانے میں مدد کی۔

جس پر سوشل میڈیا صارفین اعتراض اٹھا رہے ہیں سب سے پہلے تو ڈرامے کی کمزور کہانی کو نشانہ بنایا جا رہا ہے کہ رائٹر نے ایک طرف مرتسم کی پگڑی میرب کے ہاتھوں میں رکھوادی لیکن اسی قسط میں نند کو بھگانے میں مدد کر رہی ہے جبکہ یہ جانتی ہے کہ مرتسم کبھی جھوٹ نہیں بولتا۔ کون عورت ایسی ہوگی کہ ایسے اتنے بڑے خاندان کی بہو ہو کر یوں نیچ حرکت کرے گی۔ اب دیکھنا یہ ہے کہ آگے کی قسط میں کہانی کس طرف پلٹتی ہے اور مرتسم کیسے میرب کو مشکل سے نکالتا ہے۔