بالی ووڈ کی متنازع اداکارہ راکھی ساونت نے مافیا کی جانب سے سلمان خان کو قتل کی دھمکیوں کے بعد اپنی جان دینے کی پیشکش کردی۔
خود کو سلمان خان کی بہن قرار دینے والی راکھی ساونت کا کہنا ہے کہ عید پر واضح کر دوں کہ میرے بھائی کو ہاتھ مت لگانا۔بھائی کی بہن کی جان سے اگر تمہارا پیٹ بھرتا ہے تو چاہے میری جان لے لو۔
میرے قتل کا گناہ بھی تمہارے سر پر نہیں ہوگا، جاؤ میں نے تمہیں اپنا خون معاف کیا۔ آخر میں راکھی ساونت نے ’اللّٰہ اکبر‘ کے نعرے بھی لگائے۔
واضح رہے کہ بالی ووڈ اداکار سلمان خان کو مافیا ڈان لارنس بشنوئی کی طرف سے مسلسل قتل کی دھمکیاں مل رہی ہیں۔
سلمان خان کئی مواقع پر راکھی ساونت کے ساتھ دکھائی دے چکے ہیں جس کی وجہ سے راکھی انہیں اپنا بھائی مانتی ہیں۔
مافیا کی دھمکیوں کے بعد انہوں نے اپنی جان پیش کرتے ہوئے مافیا کو اپنا خون بھی معاف کردیا ہے۔
یہ بھی یاد رہے کہ لارنس بشنوئی وہی ڈان ہے جس نے معروف پنجاب گلوکار سدھو موسے والا کو قتل کروایا تھا۔