امریکی سپر اسٹار آرنلڈ شوارزنیگر علاقے کے مسائل حل کرنے کی وجہ سے سوشل میڈیا پر چھاگئے، پاکستانی صارفین نے آرنلڈ کو معروف سماجی رہنما عالمگیر خان سے ملانا شروع کردیا۔
معروف اداکار اور سابق گورنر آرنلڈ شوارزنیگر نے تین ہفتے تک انتظامیہ کا انتظار کرنے کے بعد لاس اینجلس کی ایک سڑک پر ہونے والے گڑھے کو خود ہی بھرنے کا فیصلہ کیا اور گڑھا بھرتے ہوئے انہوں نے ویڈیو بنوائی جو سوشل میڈیا پر شیئر کی۔
اس حوالے سے آرنلڈ شوارزنیگر کا کہنا تھا کہ میں ہمیشہ کہتا ہوں کہ شکایت نہ کام کریں بلکہ خود بھی کوشش کریں، دیکھیں میں نے کام کردیا۔ پورا محلہ اس بڑے گڑھے سے پریشان تھا، اس سے گاڑیاں اور سائیکلیں کئی ہفتوں سے متاثر ہو رہی تھیں۔ آرنلڈ نے کہا کہ میں نے اپنی ٹیم کے ہمراہ اس کو ٹھیک کر دیا ہے، اب کسی کو پریشانی نہیں ہوگی۔
آرنلڈ شوارزنیگر کی ویڈیو سوشل میڈیا پر بہت پسند کی گئی اور صارفین نے ان کے اس اقدام کو بہت سراہا۔ دوسری جانب پاکستانی سوشل میڈیا صارفین نے کراچی میں کئی برسوں سے سرگرم عالمگیر خان سے بھی تشبیہ دی۔
لوگوں کا کہنا تھا کہ جیسے عالمگیر خان اپنی مدد آپ کے تحت کراچی کے کھیلے مین ہولز اور صفائی کا خیال رکھتے ہیں اسی طرح آرنلڈ شوارزنیگر نے بھی اپنی مدد آپ لوگوں کی بھلائی کا کام کرکے اچھی مثال قائم کی ہے۔