اب یہ بھی جیل جائیں گی ۔۔ بالی وڈ اداکارہ امیشا پٹیل کے وارنٹ گرفتاری کیوں جاری ہوگئے؟

شلپا شیٹی کے جیل جانے کے بعد سے کئی بھارتی اداکاراؤں کو جیل کی ہوا کھانی پڑی اور اب باری آچکی ہے امیشا پٹیل کی جن کے خلاف وارنٹ گرفتاری جاری ہوئے ہیں۔

بھارتی میڈیا رپورٹس کے مطابق بھوپال کی عدالت نے امیشا کے خلاف 32 لاکھ 25 ہزار روپے کا چیک باؤنس ہونے کے کیس میں قابلِ ضمانت وارنٹ گرفتاری جاری کیے ہیں۔

اداکارہ نے فلم بنانے کے لیے 2019 میں اندور کے ایک رہائشی سے 10 لاکھ روپے کی رقم ادھار لی تھی، لیکن جب امیشا نے کمپنی کو دو چیک دیے تو دونوں ہی چیک باؤنس ہوگئے۔ واضح رہے کہ اداکارہ پر یو ٹی ایف ٹیلی فلمز پرائیویٹ لمیٹڈ کی جانب سے مقدمہ درج کروایا گیا ہے۔

اب دیکھنا یہ ہے کہ امیشا کب جیل کے اندر جائیں گی اور اندور کے رہائشی کی رقم واپس ملے گی۔